মৈতৈ খ্রিস্তিয়ান তেংবাং লূপকী চহী ফারকপগী থৌরম সোনাই ইচা খোমদ্রাম লৈকায়দা পাঙথোকখ্রে।

লখিপুরওনলাইন দিজিতেল দেস্কঃ  মৈতৈ খ্রিস্তিয়ান তেংবাং লূপকী চহী মপুং ফারকপগী থৌরম সেপ্তেম্বরগী তাং ৮ য়ুমসাকৈশা নুমিত্তা সোনাই ইচা খোমদ্রাম লৈকায় পাস্তর বীরচন্দ্রগী শঙ্গায়দা পাঙথোকখ্রে। চীঙাখম লক্ষীবাবুনা মীফম মপু ওইদুনা পাঙথোকখিবা থৌরম অদুদা লাইশোন ঈশৈ অমা শক্লবা মতুংদা মপুং ওইবা থৌরম হৌদোকখি। থৌরমদা গ্রেস ইংলিস হায়ার সেকেন্দরী স্কুলগী প্রিন্সিপাল সার জেকোব না অথোইবা মীথুং ওইবিখি। মহাক্না বাইবলদগী শরুক খরা লৌখৎতুনা তীনখিবা মীয়ামগী পুক্নিং হকচাংবু থৌগৎপিখি। থৌরমদা তোনাম্বম ব্রজচান্দ না প্রোগ্রাম কনদাক্ত তৌখি। লূপকী সেক্রেটরী পাস্তর রতন না তেংবাং লূপ অসিনা চহী মপুং ফাবগী মরীক চুম্বা পাউদম অমা লান্থোকখি। কোবিদকী অৱা অনা মরক্তা লুপ অসিনা ঙমজবা শেলথুম পুথোক্তুনা তেংবাংখিবগী দমক হরাওবা ফোঙদোক্নখি। হন্দক্তা বিশ্ববানীগী মখাদা নৌনা থৌবুবা ওইনা খল্লবা ওজা শ্যামকিসোরবু তরাম্না ওকখি। থৌরমদা ওজা এনদি হোদাম্ব, ওজা মোহেন, অমসুং শীংলূপকী অহল এল সুবোলনা অদুগা নুপীলক্তগী মেদাম নাওবী না মরুওইবা ৱাফম কয়া থমখি।  অরোইবদা মীফম মপু চীঙাখম লক্ষীবাবুনা প্রার্থনা তৌদুনা থৌরম অদু লোয়শিনখি। https://youtu.be/chVFYMbkeJI