আসামগী অনৌবা এসওপি অসিদা কার্ফিউ নুমিদাংগী পুং ৯ দগী হৌরগা অয়ুক্কী পুং ৫ ফাওবা থমদুনা কার্ফিউগী মতম তেনশিনহনখ্রে।

লখিপুরওনলাইন দিজিতেল দেস্কঃ আসাম লৈঙাকনা ঙরাং য়ুমশাকৈশা নুমিত্তা কোবিদ ১৯ গী অনৌবা স্তেন্দার্দ ওপরেতিং প্রোসিদ্যুর এসওপি পুথোকখ্রে। রাজ্য অসিদা কোবিদ পোজিতিব ওইবগী চাং হন্থরকপগা লোয়ননা অনৌবা এসওপি অসিদা কার্ফিউগী মতম নুমিদাংগী পুং ৯ দগী হৌরগা অয়ুক্কী পুং ৫ ফাওবা থমদুনা কার্ফিউগী মতম তেনশিনহনখ্রে। চৎন পথাপ অসি ঙরাংদগী চৎনবা হৌরে। লৈঙাক্কী গোভর্ণমেন্ত অমসুং প্রাইভেত লোয়শঙ খুদিংমক মহৌশাগুম মথৌ তৌবা য়ারগনি অদুম ওইনমক নুমিদাংগী পুং ৮ ফাওবা ওইগদবনি। মখল খুদিংগী কমর্সিয়েল এসতাব্লিসমেন্টশিং- রেস্তোরেন্ট, ধাবা, হৈ রা, এনশাং নাপী অমসুং চেং হৱায় য়োনবা দুকানশিং নুমিদাংগী পুং ৮ ফাওবা হাংবগী অয়াবা পীরে। কার্ফিউনা নুমিদাংগী পুং ৯ দগী অয়ুক্কী পুং ৫ ফাওবনি। লুহোং খোংদোংবা, অশি অনাগী থৌরমদা মীওই ৫০ দগী হেনবা য়ারোই। মখোয় অদু কোভিদ ভেক্সিন য়ামদ্রবদা অহানবা দোজ কাপ্লবা ওইগদবনি হায়না হকশেল মন্ত্রী কেসব মহন্তনা ফোঙদোকখি। 

আসাম লৈঙাকনা মহৈলোয়শঙশিংগী মতাংদা এসওপি অসিদা হায়বগী মতুং ইন্না পোস্ত গ্রেজুয়েত, গ্রেজুয়েত অমসুং হায়ার সেকেন্দরী ফাইনেল মহৈরোয়শিং লাক্লিবা সেপ্তেম্বরগী তাং ৬ তগী ফিজিকেল ক্লাস হৌনবা হায়রি। মহৈরোয়শিং অদু য়ামদ্রবদা কোভিদ ভেক্সিন অহানবা দোজ কাপ্লবা ওইগদবনি। অদুগা টুয়েলব ক্লাসকী মহৈরোয়শিংগী মতাংদা করিগুম্বা মশাগী চহী ১৮ গী মখাগী ওইরগদি মখোয় অদু ভেক্সিন কাপত্রবসু ফিজেকেল ক্লাস তৌবগী অয়াবা পীগদবনি হায়না হকশেলমন্ত্রীনা ফোঙদোক্লি। ক্লাস অমদা মহৈরোয় ৩০ দগী হেল্লোয়দবনি। সেপ্তেম্বরগী তাং ৬ তগী মহৈলোয়শঙ হাংবগী মাংওইননা নুমিৎ হুমনিগী মনুংদা মহৈরোয়, ওজা অমসুং স্তাফশিং  ভেক্সিন কাপ্নবা হায়রি। হোস্তেল হাংবগী মতাংদা পোস্ত গ্রেজুয়েত, গ্রেজুয়েত অমসুং হায়ার সেকেন্দরী ফাইনেল ইয়ারগী মহৈরোয়গী তমক হাংদোক্নবা হায়রি অদুগা মখোয়শিং অদু ভেক্সিনগী দোজ অনিমক কাপ্লবা ওইগদবনি। জিএনএম, নর্সিং ক্লাস অমসুং তেক্নিকেল ইন্সতিতিউতশিংগী ওইনদি য়ামদ্রবদা ভেক্সিন দোজ অমা কাপ্লবশিং ক্লাস হৌবা য়ারগনি হায়খ্রে।  দিস্ত্রিক মনুং অমসুং মপান্দা থৌবা মীপুবা গারীশিং হান্দ্রেদ পার্সেন্ট সিত কেপাসিতিদা পুথোক পুশিন য়ারগনি। য়ামদ্রবদা ভেক্সিন দোজ অমা কাপ্লবা ওইগদবনি। অদুবু গারী মনুংদা সিত কেপাসিতিগী ৱাংমদা মী পুবা থেংনরবদি গারীগী লাইসেন্স কক্কনি হায়বগী ৱাফমসু য়াওরি।  https://youtu.be/i34ZmHMxxOg