খোঙ্গ্রাও অতেনবা শেৎপী নুপিমচা অমা আসাম এগ্রিকালচারেল ইউনিভার্সিতিগী এন্ত্রেন্স পরিক্ষাদা চংহনখিদ্রে

লখিপুরওনলাইন ডিজিতেল দেস্কঃ মহৈরোয় নুপীমচা অমা খোঙ্গ্রাউ অতেনবা শেৎতুনা লাকপগী দমক আসাম এগ্রিকালচারেল ইউনিভার্সিগী এন্ত্রেন্স পরিক্ষাদা চংহনখিদে হায়বগী থৌদোক অদু জিআইপিএস ইন্সতিতিউত তেজপুরগা করিগুম্বা অমত্তা মরী লৈনদে হায়না ফোঙদোকখ্রে। গিরিজানন্দ চৌধুরী ইন্সতিতিউত অফ ফারমাসিউতিকেল সাইন্স তেজপুরগী প্রিন্সিপালনা থৌদোক অদু আসাম এগ্রিকালচারেল ইউনিভার্সিগী ওবজার্বরশিংনা লৌখিবা ফিরেপনি হায়খি য়ুমশাকৈশা নুমিত্তা পাঙথোকখিবা এন্ত্রেন্স একজাম অদু হায়রিবা ইন্সতিতিউত অসিদা সেন্তর ওইখিবনি। এন্ত্রেন্স থাবা লাকখিবি জুবলি তামুলি কৌবি নুপীমচা অমা সোর্তস্ শেৎলকপনা মরম ওইরগা হোল মনুংদা চংহনখিদবনি। অদুবু কায়নথংদা ফি অমা নৌনা লৈরুরগা মথক্তা শেৎচিনবদগী পরিক্ষা থাবা য়াহনখিবনি হায়রি। এদমিদ কার্দতা দ্রেস কোদকী মতাংদা ইবসু লৈতে, খরনি মমাংদা থাখিবা নীত একজামদা মহাক দ্রেস অসিদা অদুম থাখিবনি হায়না পাউমিশিংদা নুপামচা অদুনা ফোঙদোকখি। https://youtu.be/q2k-lWlI2qQ