সিঙ্গেরবন্দা লেগেল এইদ কেম্প-কম-ভিলেজ এইদ এৱেরনেস প্রোগ্রাম পাঙথোকখ্রে।

 লখিপুরওনলাইন ডিজিতেল দেস্কঃ শিলচরগী পোত্থারবা জজ্ বিষ্ণু দেবনাথ না ময়ায় তাংবল লৌদুনা সেপ্তেম্বরগী ১৭ ইরাই নুমিত্তা নোংমগী ওইবা লেগেল এইদ কেম্প-কম-ভিলেজ লেভেল লেগেল এৱেরনেস প্রোগ্রাম অমা সিঙ্গেরবন্দা লৈবা পোৎশংবম রাজেন্দ্রগী শঙ্গায়দা পাঙথোকখ্রে। থৌরম অসিদা লমদম অসিগী শক্নাইরবা সিনিওর সিতিজেন চাংখ্রময়ুম মোহন সিংহ না অখন্নবা মীথুং ওইনা শরুক য়াখি। 

শিলচর লেগেল সার্ভিসেস্ ওথোরিতিগী পারা লেগেল ভলুন্তিয়ার ওইরিবা পোৎশংবম রাজেন্দ্রনা শিল্লাংদুনা পাঙথোকখিবা থৌরম অসিদা শ্রী বিষ্ণু দেবনাথনা খুঙ্গং অমদি সহরগী মীয়ামনা আইন ঙাকপগী মতাংদা ৱাফম কয়া মরীক চুম্না ফোঙদোকখি। ভারত্তা হৌজিক লৈরিবা জস্তিস দেলিভারি সিস্তেম অসিগী চৎনরিবা মওং অমদি মীপুম খুদিংনা মশা মশাগী ফংফম থোকপা হক্ ফংননবা হোৎনবদা চেকশিনফম থোকই হায়বিখি। লমদমসিগী য়ুমথোং কয়াদা থোকলিবা দোমেস্তিক ভাইওলেন্সকী মতাংদসু তিল্লিবা মীয়ামদা মহাক্না শুগাইনা নৈনবিখি হায়রি। https://youtu.be/q2k-lWlI2qQ