এনআরসিদা মীং য়াওদবা মীওইশিংনা নংলিবা অৱাবসিং য়েংশিনবিনবা সিআরপিসিসি গী মাইগৈদগী আরজিআই অমসুং প্রধানমন্ত্রীগী মফমদা ৱাকৎ চেরোল পীশিনখ্রে।

লখিপুরওনলাইন দিজিতেল দেস্কঃ আগস্তকী তাং ৩১ খৃকুমজা ২০১৯ দা আসামদা এনআরসিগী ফাইনেল লিস্ত থোকখি। মসিদা মীওই লাখ ১৯ গী মীং লিস্ত অসিদা য়াওরকখিদে। এনআরসি পাব্লিস তৌখিবা চহী ২ মপুং ফাখ্রে। অদুবু আসাম লৈঙাকনা থাখিবা লিস্ত অদু ঙসি ফাওবা রেজিস্তার জেনরেল অফ ইন্দিয়ানা এপ্রুভ তৌবিদ্রি। অদুনা এনআরসি দা মীং য়াওদবা মীওই লাখ ১৯, মখোয়গী তুংগী পুনসি করি ওইগদবনো হায়বা অমম্বা ফিভমদা লৈরি। এনআরসিদা মীং য়াওদ্রবা মীওইশিং অসি হৌজিক আধার ফংদ্রে অদুনা মখোয়শিং অসি থবক খুদিংমক্তা অপনবা ওইদুনা লৈরে। আধারদা এনআরসিনা মরম ওইরগা চয়েৎনবা থোকলিবা অসি চুমদে। লৈঙাকনা চপ মান্নবা মীৎয়েংদা য়েংবিদুনা মখোয়গী তুংগী পুনসিগী দমক অৱাবা কোকপিফম থোকই হায়না লূপ ৪৩ না শাবা সিতিজেন্স রাইতস্ প্রোতেক্সন কোর্দিনেসন কমিতি সিআরপিসিসি গী জেনরেল সেক্রেটরী মাইমোম সান্তিকুমার না ফোঙদোরকলি। হীরমসিগী মতাংদা ঙরাং কাছারগী এদিসি দিপক জিদুংগী খুৎথাংদা লূপ অসিগী মাইগৈদগী রেজিস্তর জেনরেল অফ ইন্দিয়া অমসুং ভারতকী প্রাইম মিনিস্তরগী মফমদা ৱাকৎচেরোল অমা পীশিনখি। ৱাকৎ চেরোল পীশিনবা মতমদা সাধন পুরকায়স্থ, নীরঞ্জন পাল নীলাদ্রী রায়নচিংবা মীওইশিং শরুক য়াখি।  👉https://youtu.be/MXPdVYi_NPA