ঙসি

আসাম মনিপুরী মুসলিম য়ুথ্ ফ্রন্ট না শিল্লাংদুনা ৩০ রক শুবা ইমালোলগী নুমিৎ পাঙথোকখ্রে।


লখিপুরওনলাইন দিজিতেল দেস্কঃ আসাম মনিপুরী মুসলিম য়ুথ্ ফ্রন্ট না শিল্লাংদুনা ৩০ রক শুবা ইমালোলগী নুমিৎ পাঙথোকখ্রে। করইকান্দিদা লৈবা বরাক ভেলী সেকেন্দরী স্কুলদা পাঙথোকখিবা থৌরম অদুদা
রিটায়র্দ সুবেদার আব্দুল আজিজ্ চৌধুরী না ময়াই তাবলদা ফমখি । কবি জহিরুদ্দিন , কবি তাহির সাজবম , অইবা অমসুং নৈনরোই এস মুহিবুর রহমান , নহারোল সাহিত্য মরুপকী প্রসিদেন্ট ফারুক চৌধুরি অমসুং হাজি আব্দুল হক চৌধুরি নচিংবনা মীওইশিংনা মীথুং ওইনা দাইসতা ফমখি । জমির হুসেননা তরামনা ওকপগী ৱারোল পীরদুনা লোন অমসুং সহিত্য চাউখৎহনবদা খুন্নাইসিগী থৌদাং চাওনা লৈ হায়বা ৱাফম থমখি । ইমারোলগী নুমিৎ পাঙথোকপা হায়বসি ঐখোয়গী পাঙথোকফম থোকপা থৌরমশিংগী মনুংদা অমনি হায়না পল্লদুনা লৈখিদ্রবা কমরেড নুরুল হুদা , কবি খৈরুদ্দিন চৌধুরি , চাউবা মিয়া অমসুং হিংদুনা লৈরিবা লোনগী ঈহৌদা থৱায় য়াওনা শৌগৎখিবশিংবু নীংশিংলদুনা আব্দুল হামিদনা নুংগী ওইবা ৱারোল থমখি । 
থৌরমদা মনিপুরী মুসলিম দেভলপমেন্ত ওর্গেনাইজেসন আসাম, ওল আসাম মনিপুরী মুসলিম স্টুদেন্টস্ ইউনিয়ন অমসুং নোর্থ ইস্ট পাঙল এসোসিয়েসন গী মীহুৎ কয়াসু শরুক য়াখি । 
থৌরমগী অহানবা সেসনদা কবি তাহির সাজবম, কবি আব্দুল হামিদকা লোয়ননা হন্দকতকা এসএসবি চাংয়েংদা মায়পাক্লদুনা ইন্দিয়ান ইয়ার ফোর্সকী ফ্লাইং কমিসনদা ওফিসার ওইরগদবা অৱাং নোংপোক ভারতকী চাউথোকচনীংঙাই ওইরবা কাছার লখিপুর সিবপুর পার্ট-৩ গী মনুং চন্না লৈবা মোরাগাং খুঙ্গংগী আব্দুল হালিম চৌধুরি অমসুং হৈজাবুন নেছাগী মমোমলোয় মারিয়া বেগমবু থৌরমদা তরাম্না ওকখি । অইবা অমসুং নৈনরোই এস মুহিবুর রহমাননা “আসামদা তমনরিবা টেক্স বুকশিংগী মমল লেপ্পা” হায়বা হিরমদা নৈনৱারেং অমসু পাথোকখি । থৌরমগী অনিশুবা সেসনদা কবি তাহির সাজবমনা মোডরেটর ওইদুনা অখন্নবা সাহিত্যগী থৌরম অমসু পাঙথোকখি । সাহিত্যগী থৌরম অসিদা কবি ১২ না মশা মশানা ইবা শৈরেং পাথোক্নখি । মোডরেটরনা মশাগী ৱারোল পীরবা তুং লুপকী লিতরেরি সেক্রেটরি আহমদ হাসননা থাগৎ ৱাহৈ পীরবা মতুংদা থৌরম লোয়শিনখি । https://youtu.be/8qUVjit22tE

Post a Comment

0 Comments