ঙসি

খোরিরোল আমসু অমসুং পরিষদ না ৩০ শুবা মনিপুরী লোনগী নুমিৎ লখিপুর খুমনদা পাঙথোকখ্রে।

লখিপুরওনলাইন দিজিতেল দেস্কঃ আগস্তকী তাং ২০ ইরাই নুমিত্তা মনিপুরী লোননা ভারত সংবিধানগী নিপানশুবা সিদ্যুলদা চনখিবা নুমিৎ লখিপুর খুমনদা লৈবা গুরুময়ুম মাণ্ডপতা পাঙথোকখ্রে। নহারোল খোরিরোল সিল্লুপ আসাম লখিপুর, আসাম মনিপুরী সাহিত্য পরিষদ লখিপুর দিস্ত্রিক কমিতি অমসুং ওল আসাম মনিপুরী স্টুদেন্টস্ ইউনিয়ন লখিপুর দিস্ত্রিক কমিতিনা খুৎশম্নদুনা পাঙথোকখিবা থৌরমদা ইলাবন্ত য়ুম্নাম প্রেসিদেন্ট নহারোল খোরিরোল সিল্লুপ আসাম লখিপুর,  য়ুম্নাম নদিয়াচান্দ প্রেসিদেন্ট আসাম মনিপুরী সাহিত্য পরিষদ লখিপুর দিস্ত্রিক কমিতি, কে সুমন্ত প্রেসিদেন্ট ওল আসাম মনিপুরী স্টুদেন্টস্ ইউনিয়ন লখিপুর দিস্ত্রিক কমিতি না প্রেদিদিয়াম মেম্বর ওইনা শরুক য়াখি। মনিপুরী দেবলপমেন্ত কাউন্সিল আসামগী চেয়ারপার্সন মুতুম রীনা সিং না অথোইবা মীথুং ওইনা শরুক য়াখি। শক্নাইরবা অইবা ইঙুদম সতীসচন্দ্র, মনিপুরী সোর্ত স্তোরী সোসাইতি ইন্দিয়াগী সেক্রেটরী, খাইদেম কান্ত, মনিপুরী লেঙ্গুয়েজ প্রোতেক্সন কোর্দিনেতিং কমিতি আসামগী কোর্দিনেতর আহমদ চৌধুরী নচিংবা মীওইশিংনা মীথুং ওইনা দাইজতা ফমখি। দাইজকী মেম্বরশিংদা লেংয়ান-ফি খুদোল তম্বগা লোয়ননা অথোইবা মীথুংনা মৈরা চুখৎখি।
থৌরমগা মরী লৈননা প্রো ৱাই রাজবিহারি, আরাম্বম গৌরগোপাল, মনিধন সিং, কোঞ্জেংবম ওংবী অরূনা নচিংবা মীওইশিংনসু ৱা ঙাংখি। 
আসাম মনিপুরী সাহিত্য পরিষদ লখিপুর দিস্ত্রিক কমিতিগী সেক্রেটরী তোনাম্বম রোবিন্দ্রনা তরাম্না ওকপগী ৱারোল পীখি। ওল আসাম মনিপুরী স্তুদেন্টস্ ইউনিওন লখিপুর দিস্ত্রিক কমিতিগী জেনরেল সেক্রেটরী আসাংবম স্বপোন না থাগৎৱাহৈ পীদুনা অয়ুক্কী থৌরম লোয়শিনখি। নুংথিলদা পাঙথোকখিবা সেমিনারগী থৌরমদা সিঙ্গেরবন্দ হায়স্কুলগী হেদমাস্তর ওজা জমাল উদ্দিননা "মনিপুরী লোনগী স্কুলগী ওজা অমসুং তম্না লাইরিক্কী মশক" হায়বা হীরমদা চে পাখি. মধুরা সনাতন সমিতি হায়স্কুল উধারবন্দগী ওজা নোংথোম্বম ধীরেননা "মনিপুরী লোনগী স্কুলশিং মতমগী থাক্তা পুখৎপা অমসুং নেসনেল ইজুকেস পোলিসি ২০২০" অমসুং ১৫৭৯ নম্বর বিন্নাকান্দি এলপি স্কুলগী ওজা পাউনম সন্ধ্যারানি না "মনিপুরী লোন হোংলকখিবা মশক" হায়বা হীরমদা  চে পাথোকখি। থৌরমদা মনিপুরী লেঙ্গুয়েজ এদভাইজরী বোর্দ সাহিত্য একাদেমী নিউ দিল্লিগী মেম্বর থোকচোম বিশ্বনাথনা ৱাতেম্বীখি। লোয়শিল্লকপদা নহারোল খোরিরোল শিল্লুপ আসাম লখিপুরগী ট্রেজরর ইঙুদম নীলবীরনা থাগৎ ৱাহৈ পীখিবগা নুমিৎসিগী থৌরম চীং লেম্না লোয়শিনখি। https://youtu.be/8qUVjit22tE

Post a Comment

0 Comments