লখিপুরওনলাইন দিজিতেল দেস্কঃ কংগ্রেস থাদোক্লমলগা তৃণমুল কংগ্রেসতা খোঙথাংজিনখ্রবী হান্নগী এমপী সুস্মিতা দেব ঙরাং শগোলশেন নুমিৎ শিলচরদা থুংলখ্রে। মহাক্না শিলচরদা থুংলবদা মশিং য়াম্লবা মীয়াম্না মহাকপু কুম্ভিরগ্রাম প্লেনতাফমদা তরাম্না ওকখি। প্লেনতাফমদগী মপাল হেক থোক্লকপদা মহাকপু ওকপগী ঙায়দুনা লৈরম্বা গারী ৫০০ রোমনা মহাকপু পুদুনা শিলচর কাছার ক্লাবতা লাকখি।
তরাম্না ওকপগী থৌরমদা মহাক্না তৃণমুলদা চংলকপসি কন্দিসন অমত্তা য়াওদনা চংলকপনি। ফমগী দমক নত্তে, ঐখোয়না তৌগদবা থবক য়াম্না ৱাৎলি, ঐখোয় হোৎনবা কনসি হায়না হান্নগী শিলচরগী এমপি সুস্মিতা দেবনা ফোঙদোকখিবগা লোয়ননা মহাকনা পাম্বদি শুপ্নতগী বুথ কমিতিগী প্রেসিদেন্তকী ফম অদুনি হায়খি। পার্তিনা ঐগী দমক খল্লকপা ফম অদু ঐ লৌগনি। মসিদা ঐখোয় অমত্তনি, কনামতা নেতা নত্তে। গ্রাস রুততগী হৌরগা থবক হৌসি। মতুংদা মফম অমা কনবা ঙম্লবা মতমদা নেতাগী ৱা লাক্কনি হায়খি।
কাছার দিস্ত্রিক তৃণমুল কংগ্রেসকী জেনরেল সেক্রেতরী দাঃ মাইমোম সান্তিকুমারনা নুমিৎ অসি সনাগী ময়েকনা ইদুনা লৈহৌরগনি হায়না ফোংদোক্লদুনা আসামদা টিএমসি মরা তানা মীয়ামগী সেবা তৌবা ঙমলগনি হায়খি। মতুংদা বরাক ভেলীগী টিএমসিগী থৌমীশিংগা সুস্মিতা দেবগা ফমিন্নদুনা ৱাফম কয়া খন্নখি হায়রি।
0 Comments
Comments ...