ঙসি

আসাম মনিপুরী সাহিত্য পরিষদনা ৩০ শুবা মনিপুরী লোনগী নুমিৎ লূপ অসিগী মরূ শঙলেন শিলচরদা চীং লেম্না পাঙথোকখ্রে।

লখিপুরওনলাইন দিজিতেল দেস্কঃ আসাম মনিপুরী সাহিত্য পরিষদনা ৩০ শুবা মনিপুরী লোনগী নুমিৎ লূপ অসিগী মরূ শঙলেন শিলচরদা চীং লেম্না পাঙথোকখ্রে। লূপকী ভাইস প্রেসিদেন্ট ঙাঙোম বসন্ত কুমারনা মীফম মপু ওইদুনা পাঙথোকখিবা থৌরমদা প্রোঃ ৱারীবম রঘুমনি হেদ দিপার্টমেন্ত অফ মনিপুরী, আসাম ইউনিভার্সিতি শিলচরনা অথোইবা মীথুং ওইখি। আসাম মনিপুরী সাহিত্য পরিষদগী হান্নগী জেনরেল সেক্রেটরী ইঙুদম বিনোদ, রিতায়র্দ এদিসনেল সেক্রেতরী গোব অফ আসাম আরাম্বম নন্দবাবু, কোকপীনগী চেয়ারমেন এস কমলাকান্ত অমসুং আসাম মনিপুরী সাহিত্য পরিষদকী লিগেল এদভাইজর ঙাঙোম রমাকান্ত না থৌরমদা মীথুং ওইনা শরুক য়াখি। পরিষদকী সেক্রেটরী কৈশাম চম্পালালনা  তরাম্না ওকপগী ৱারোল পীখি। 
পরিষদকী জেনরেল সেক্রেটরী খুমুজম ধীরেন না থৌরমগী নুংগী ওইবা ৱারোল লান্থোকখি। মনিপুরী লোননা ভারতকী নীপানশুবা সেদ্যুলদা চনশিনখিবদা মাইপুননা হোৎনবিখিবা ওজাশিংবু ইকায় খুম্নবা উৎখি। থৌরমগী শরুক অমা ওইনা পাঙথোকখিবা নৈন থৌরমদা ডাঃ এম নিঙম্বা এসি প্রোঃ পাথারকান্দি কোলেজ, সিঐইচ মনিকুমার এসি প্রোঃ রাধামাধব কোলেজ শিলচর অমদি ডাঃ আবুল খৈর চৌধুরী এসি প্রোঃ এস আর কোলেজ কালাইন, স্কোলার অহুম অসিনা তোঙান তোঙানবা হীরমদা চে পাথোকখি। 
প্রোঃ ৱারীবম রঘুমনি আসাম ইউনিভার্সিতি শিলচরনা মোদরেতর ওইবিখি। নুমিৎসিগী অফোংবা মীফমনা্ মনিপুরী লোনবু ক্লাসিকেল লেঙ্গুয়েজকী থাক্তা থম্বীনবা ভারতকী প্রাইম মিনিস্তর অমদি হোম মিনিস্তরগী মফমদা অইবা চেরোল পীশিনবা হায়না ৱারেপ তাখি। থৌরমগী লোয়শিল্লকপদা সিঐইচ কমলা দেবী হেদ দিপার্তমেন্ত অফ মনিপুরী কাছার কোলেজ শিলচরনা মোদরেতর ওইদুনা কবি সম্মেলন অমসু পাঙথোকখি। অরোইবদা ডাঃ মৈস্নাম নীংহৈবা, সেক্রেটরী আসাম মনিপুরী সাহিত্য পরিষদনা থাগৎ ৱাহৈ পীখি। https://youtu.be/8qUVjit22tE

Post a Comment

0 Comments