কাছারগী মারিয়া বেগম বু ইন্দিয়ান এয়ার ফোর্সকী ফ্লাইয়িং ওফিসার ওইনা খল্লকপদা মাইগৈ কয়াদগী হরাও তয়াম্বা ফোঙদোক্নরকলি।

লখিপুরওনলাইন দিজিতেল দেস্কঃ ইন্দিয়ান এয়ার ফোর্সতা ফ্লায়িং ওফিসার ওইনা খল্লকলবী মারিয়া বেগম বু অল আসাম মনিপুরী স্তুদেস্টস্ ইউনিয়ননা তরাম্না ওকচবগা লোয়ননা হরাও তয়াম্বা ফোঙদোকখ্রে। মহাক্কী মায় পাকপা অসি মনিপুরী খুনাই অসিগী ওইনদি তাংনা ফংলবা ফিজিগী লননি হায়রদুনা মারিয়াগী মায়পাক্লকপা অসিগী তুং ইন্দুনা ঙসিগী নহারোলশিংনসু অৱাংবা থাক্কী থবক কয়া অমা তৌরক্কনি হায়বগী থাজবা থমলি হায়না আমসুগী মাইগৈদগী ফোঙদোরকলি।

মারিয়া বেগম কাছার জিলাগী লখিপুরগী মনুং চনবদা লৈবা মোরাগাং সিবপুর পার্ত থ্রীদগীনি। অপোকপগী মীং আব্দুল হেকিম চৌধুরী, এক্স আর্মিনি। অপোকপীগী মীংনা হৈজাবুন নেছা কৌই। ফিজিক্স ওনর্স লৌদুনা জিসি কোলেজ শিলচরদগী বিএসসি লোয়রবা মতুংদা ২০১৯ দা আসাম ইউনিভার্সিতিদগী এমএসসি পাস তৌখি। এয়ার ফোর্স কমন এদমিসন তেস্ত কী মতুংদা বরানসিদা নুমিৎ মঙানিগী সার্ভিস সেলেক্সন বোর্দ কী ইন্টরভিউদা শরুক য়াখি। মহাক্কী অখাঙ কনবা হোৎনবা কনবতনা ইন্দিয়ান এয়ার ফোর্সতা ফ্লাইং ওফিসার ওইনা খল্লকখি। ক্লাস ফাইভ ফাওবা ইমানুয়েল ইংলিস হায়ার সেকেন্দরী স্কুল পোয়লাপুলদা তমখি।  ক্লাস সিক্স তগী টুয়েল্ব ফাওবা জৱাহর নবদোয় বিদ্যালয় পোইলাপুলদা মহৈ তমথখি। মহাক্কী মায়পাকপা অসিদা লমদম অসিগী মায়গৈ কয়াদগী হরাও তয়াম্বা ফোঙদোক্নরি। 

মারিয়া বেগম বু ইন্দিয়ান এয়ার ফোর্সকী ফ্লাইয়িং ওফিসার ওইনা খল্লকপদা আসাম মনিপুরী মুসলিম য়ুথ ফ্রোন্তনা হরাও নুঙাইবা ফোঙদোরকলি। মারিয়া বেগমগী অসিগুম্লবা মায়পাকপা অমসুং হোৎনবা কনবাগী মতৌ অসিনা হৌগৎলকলিবা মহৈরোইশিংদা শোয়দনমক্কী অনৌবা থৌনা লিংজেল অমদি সোয়দনা পীরগনি হায়না লুপকী প্রেসিদেন্ত জমির চৌধুরীনা ফোঙদোরকলি। https://youtu.be/-TMQzT8Vyh0