লখিপুরওনলাইন দিজিতেল দেস্কঃ আসাম রাজ্যগী ওইনা কোবিদকী অনৌবা এসওপি লাউথোকখ্রে। আসাম স্তেত দিজাস্তার মেনেজমেন্ত ওথোরিতিনা থোকখিবা প্রেস রিলিজ অমগী মতুং ইন্না রাজ্য অসিগী খুঙ্গং অমসুং সহরগী লমদমদা চপ মান্ননা অনৌবা কোবিদগী চৎন কাংলোন নৌনা আগস্তকী ১৭ তা পুথোকখিবনি।
আগস্তকী ১৮ অয়ুক্কী পুং ৫ দগী হৌরগা চৎনগদবা এসওপি অসিদা পোৎচৈ য়োনবা দুকান নুমিদাংৱাইরম পুং ৬ ফাওবা হাংবা য়ারগনি অদুগা কার্ফিউ না পুং ১ কোমথোক্লগা নুমিদাং গী পুং ৭ তগী হৌরগা অয়ুক্কী পুং ৫ ফাওবা ওইরগনি।
গ্রেজুয়েত পোস্ত গ্রেজুয়েত, , ইনজিনিয়ারিং, মেদিকেল জিএনএম নর্সিং কোর্স নচিংবগী ফাইনেল ইয়ারগী মহৈরোয়শিং ফিজিকেল ক্লাস তৌবা য়ারগনি। অদুম ওইনমক মহৈরোয়শিংনা কোবিদ ভেক্সিন দোজ অনিমক কাপথোকখ্রবা ওইগদবনি । অতৈ অতৈ মীফম পাঙথোকপা, ধর্মগী ওইবা থৌরম, লুহোং খোংদোংবা, অশি অনাগী থৌরমদা মী য়াম্না পুনবা য়াদ্রি। সিনেমা হোল, চয়োলগী কৈথেল ফম্বা থীংখিগনি। তঙাইফদনা মাস্ক শিজিন্নগদবনি, সোসিয়েল দিস্তেন্সিং ঙাকতুনা চৎকদবনি অমসুং সেনিতাইজর শিজিন্নগদবনি হায়রি।
লনাই গারিশিং জিলা অমদগী জিলা অমদা চৎথোক চৎশিনগী অথীংবা লৈরম্বা অদু কামরূপ মেত্রো নত্তনা অতৈ জিলাশিংদগী লৌথোকলে।
গারী লম্বী অমসুং নোংথক লম্বীদা মপান স্তেততগী আসামদা থুংলবা পেসেঞ্জরশিং তঙাইফদনা কোবিদ ভেক্সিন দোজ অনিমক কাপখিবগী সার্তিফিকেত লোয়নরকপা তায়। লোয়ননা পুং ৭২ গী মনুংদা কোবিদ তেস্ত তৌখিবগী নিগেতিব সার্তিফিকেত উৎপা তাগনি। সিমতোমেতিক ওইবা পেসেঞ্জরশিংনা মশাগী শেলনা আইতিপিসিআর চাংয়েং তঙাইফদনা রেল স্তেসন, এয়ারপোর্ত নচিংবাদা তৌথোক্নবা হায়রি। https://youtu.be/MK9ERG4bEs4
