আগস্তকী ১৩ বু আসামদা স্তেত হোলিদে লাউথোকপীনবা বরাক তম্পাক্কী এমএলএ মঙানা তকশিনখ্রে।

লখিপুরওনলাইন দিজিতেল দেস্কঃ আগস্তকী ১৩ বু আসামদা স্তেত হোলিদে লাউথোকপীনবা বরাক তম্পাক্কী এমএলএ মঙাগী খুৎপু অমনা মুখ্যমন্ত্রীগী মফমদা তকশিনখ্রে।

খৃকুমজা ১৮৯১ দা বৃটিশকা শোক্নখিবা লানফমদা থৱাইনা পোন্থা পীখ্রবা মৈতৈ ইপা ইপুশিং অমসুং মমা লৈবাক্কী দমক থৱায় কৎখ্রবা অথৌবশিংগী নুমিৎ আগস্তকী তাং ১৩, নুমিৎ অসিদা বৃটিসশিংনা থাঙ্গাল জেনরেল অমসুং তিকেন্দ্রজিৎ ফাসি তৌদুনা হাৎখি। নুমিৎ অসি আসামগী মফম মফমদসু চহী কয়াগী মমাংদগী অথৌবশিংগী নুমিৎ হায়না পাঙথোকতুনা লাকলি। 

অথৌবশিং অসিবু ইকায় খুম্নবা উৎপা ওইনা নুমিৎ অসিবু আসামগী স্তেত হোলিদে লাউথোকপিনবা বরাক তম্পাক্কী এমএলএ মঙানা পুন্না মুখ্যমন্ত্রী দাঃ হিমন্ত বিশ্ব শর্মাগা হকথেংননা ঙরাং উন্নদুনা হীরমসিগী মতাংদা এমএলএ মঙা অসিগী অপুনবা খুৎয়েক পীরবা অইবা চেরোল অমা পীদুনা তকশিনখ্রে। বরাক তম্পাক্কী এমএলএ মঙা অদুদি - লখিপুরগী এমএলএ কৌশিক রায়, পাথারকান্দিগী এমএলএ কৃষ্ণেন্দু পাল, উধারবন্দকী এমএলএ মিহির কান্তি সোম, রাতাবারীগী এমএলএ বিজয় মালাকার অমসুং শিলচরগী এমএলএ দীপায়ন চক্রবর্তিনি। আসামগী সিএমগী মাইগৈদগী হীরমসিগী মতাংদা থবক ওইনা পাঙথোক্নবা হোৎনগে হায়বগী থাজবা পীরকখ্রে হায়রি। নাকল অমরোমদা লখিপুরগী এমএলএ শ্রী কৌশিক রায়না রাজ্যগী মহৈমশিংগী মন্ত্রী রনোজ পেগুগা উন্নদুনা লমদম অসিগী হায়স্কুল ১৩ বু হায়ার সেকেন্দরীদা আপগ্রেত তৌনবা অমসুং নেহেরু কোলেজ পোয়লাপুলদা ইন্তিগ্রেতেদ বিএদ কোর্স হৌনবাগী মতাংদা মন্ত্রীগা উন্নদুনা ৱারী শান্নখ্রে হায়রি। https://youtu.be/azMFS5s15H4