লখিপুরওনলাইন দিজিতেল দেস্কঃ ওলিম্পিকি গেমস হৌগদবা নুমিৎ ৩নিদং ঙায়শিল্লকলে। মালেমগী খ্বাইদগী চাউবা শান্ন কুমহৈনি হায়না লৌনরিবা টোকিও ওলিম্পিক গেমসতা শরুক য়াগদবা আসামগী বোক্সর লবলিনা বোরগোহাইবু পুক্নিং থৌগৎপা ওইনা ঙসি গৌহাতিদা সাইকল রেলি অমা চৎকনি। রিল্লি অসি মুখ্যমন্ত্রী দা হিমন্ত বিশ্ব শর্মানা লমথাগনি। মহাক্কী মফমদা য়াইফ পাউজেল পীবগী ৱারেপ অমসু ঙরাং আসাম বিধান সভাদা ৱারেপ্নখি। মহাক্কী মচে অনিসু নেসনেল লেভেলগী বোক্সরনি। শরুক য়াগদৌরিবা ভারতকী অপুনবা শান্নরোইশিংগী মনুংদা আসামদগী ১, মিজোরামদগী ১ অদুগা মনিপুরদগী শান্নরোই ৫ গা লোয়ননা অৱাং নোংপোকতগী পুন্না শান্নরোই ৭ না তোকিও ওলিম্পিকতা শরুক য়ারি।
