লখিপুরওনলাইন দিজিতেল দেস্কঃ পেত্রোল, দিজেল অমসুং চাকথোংনবা গেসকী মমল হেনগৎলকপগী মায়োক্তা শিলচর জিলা কংগ্রেস কমিতিনা কাছার জিলাগী শিলচর দেবদুত পোইন্তা জুলাইগী ১৫ দা সিগনেচর কেম্পেইন পাঙথোকখিবগা লোয়ননা পেন্দবগী খোল্লাউ লাউখ্রে। থৌরমসিদা শরুক য়াখিবা ওল ইন্দিয়া মহিলা কংগ্রেসকী প্রেসিদেন্ত সুস্মিতা দেব না হৌজিক পাল্লিবা লৈঙাক অসিনা লৈবাক অসিদা পেত্রোলগী মমল ৬৫ রক হন্না হেনগৎপা থেংনরে হায়খি।
অসিতা নত্তনা হৌখিপবা চহী ৭ অসিদা পেত্রোল অমসুং দিজেলগী মমল হেনগৎল্লগা লুপা লাখ ৮৫ গী শেনফম খোমগৎখ্রে হায়না লৈঙাক্কী মথক্তা মরাল শিখি। লায়রবগী মায়োক্তা চঙশিল্লক্লিবা থৌরাং অসিগী দমক কংগ্রেসনা খোঙজং চঙশিনগনি হায়খি।
