লখিপুরওনলাইন নিউজ ডেস্কঃ- য়াস হায়না মীংথোনবা নোংলৈ নুংশিৎ অসিনা উরিয্যা অমসুং ৱেস্ত বেঙ্গলগী সমুদ্র তোর্বান তম্না লাক্লিবা মেগী তাং ২৬ তা অকনবা নোংলৈ নুংশিৎ শিৎচিল্লকপা য়াই হায়না ইন্দিয়ান মেতিওরোজিকেল দিপার্তমেন্ত আইএমদি গী পাউ অমদা হায়রি। বঙ্গবসাগরগী নোংপোক থংবা অমসুং অৱাং আন্দামান সি গা তায়নবা মফমদা লো প্রেসারগী ওইবা শক্তম অমা শাগৎলকপনা মরম ওইরগা হয়েং নীংথৌকাবা ফাওবদা নোংলৈ নুংশিৎ ওইনা মপাঙ্গল কনখৎলকপা য়াই হায়রি। য়াস হায়না মীংথোনবা নোংলৈ নুংশিৎ অসিনা উরিষ্যা অমসুং ৱেস্ত বেঙ্গল গা লোয়ননা বাংলাদেসকী সমুদ্র তোর্বান তম্না পুংদা কিলোমিতর ৬০ দগীনা ১০০ গী চাংদা লাক্লিবা মেগী তাং ২৬ তা থুংলবা য়াই হায়না পানরি। মসিগী শহুম খরা অৱাং নোংপোক্কী মফমশিংদা শিৎলকপা য়ায় হায়না পাউ অসিনা মখা তারি।
