লখিপুরওনলাইন দিজিতেল দেস্কঃ আসাম মনিপুরী মৈরা পায়বী অপুনবা লূপ (আমপাল) হেদ ওফিস রোংপুরদা ফমখিবা মীফম অমদা ৱারেপনখিবা মতুং ইন্না লাক্লিবা দিসেম্বরগী তাং ১২ দা ৮১ শুবা নুপী লান নীংশিং নুমিৎ হন্দক চহীগী ওইনা পোইলাপুল কমিউনিতি হোল দা পাঙথোক্লগনি হায়রি। থৌরম অসিদা ওল মনিপুরী মুসলিম মৈরাপায়বী সংস্থা সু সরুক য়াদুনা পুন্না পাঙথোকমিন্নগনি হায়না আমপালগী প্রেসিদেন্ট এ. লিলি সিংহ না থাদোরকপা চেরোল অমদা হায়রি। থৌরম অসি অয়ুক পুং ৯ দা লূপকী ফিরাল চীংখৎতুনা পুং ১০ দা আমপালগী ফম শিন্দোক শিনজিন তৌবা অদুগা পুং ১ দা অফোঙবা মীফম পাঙথোক্কনি হায়না চেরোল অসিদা মখা তারি।
