ঙসি

ত্রিপুরাগী দাকাবারী মৈতৈ খুঙ্গংদা নুপা খক্তনা শাবা রাসলিলা পাঙথোক্কদৌরি।

লখিপুরওনলাইন নিউজ দেস্কঃ

ত্রিপুরাগী সিফাইজলা জিলাগী বিশালগর গী মনুং চনবদা লৈবা দাকাবারী মৈতৈ খুঙ্গংদা নুপা খক্তনা শাবা রাসলিলা পাঙথোক্কদৌরি। থৌদোক অসি তখেনগী পুৱারীগী ওইনদি চহী ৫০ রোমগী মতুংদা অমুক হন্না থোক্কদবা থৌদোকনি হায়রি। হয়েং দিসেম্বরগী তাং ৪ ইরাই নুমিতকী নুমিদাং চুপ্পা পাঙথোক্কদৌরিবা রাস লিলা অসিদা ইরোম গোবিন্দা সিং না রাসধারী ওইগনি অদুগা মৈথাম বিক্রম সিং না গোপী মকোক চীংগনি। সুত্রধারী না এন সুধন্যা অমসুং এন বিজয় নি। অদুগা পুংদা এম ক্ষীরমনি অমসুং ধর্মাজিৎ সিং না শরুক য়াগনি। পনবা য়াই ঙসিদগী চহী ৫০ রোমগী মমাংদা ইরোম রুদ্র না রাসধারী ওইরগা নীংথৌবী সিং না ব্রীন্দা সাখি অদুগা তুং ইনবনা এম নিংথৌ সিং না ওইখি। নিপা খক্তনা শান্নবা রাস লিলা মমাংঙৈ বিসালগর গী ধ্বজনগর অমসুং বামুতীয়া গী সনজেনবম লৈকায়দসু পাঙথোকখ্রে হায়রি।

রাসপুর্নিমাগী নুমিত্তা ত্রিপুরাগী মফম মফমদা হৌখিবা নিংথৌকাবা নুমিত্তা রাসলিলা পাঙথোক্নখিবগী  পাউ মখাতানা লাকলি। ধলায় জিলাগী মনুংচনবদা লৈবা কুচাইনলা মৈতৈ খুঙ্গংদা পাঙথোকখিবা নুমিৎসিগী রাস অমসুং শনশেনবা লিলাগী থৌরমদা এম আর্ঘো না কৃষ্ণ না শাখি অদুগা তিঐইচ লিপিকা না রাধা শাখি। রাসধারিনা এন অনন্ত দত্তনা অদুগা এন বিনোতা দেবীনা গোপী মকোক চীংখি।

ধলায় জিলা অসিগী মৈতৈ খুঙ্গং পঞ্চাসিদসু রাসলিলা শান্নখিবগী পাউ লাকলি। রাসধারীনা ঐইচ অনিতা দেবী, সুত্রধারীনা তিঐইচ রুহিনি দেবী অমসুং তিঐইচ গুনবতি দেবীনা ওইখি। অদুগা থাংজম নীঙোল কানন দেবীনা জগোই মকোক চীংবিখি।  (Pao asi youtube ta yengbiyu)

Post a Comment

0 Comments