ঙসি

শক্নাইরবা নৃত্য গুরু সনসম ধনেশ্বর লৈখিদ্রে, লৈখিদবা মতমদা মশাগী চহী ৮৭ শুখ্রে।

লখিপুরওনলাইন নিউজ দেস্কঃ
শক্নাইরবা নৃত্য গুরু সনসম ধনেশ্বর সিংহ কাছার জিলাগী লখিপুর সাবদিভিজনগী মনুং চনবদা লৈবা মশাগী ময়ুম বরবিলদা দিসেম্বরগী তাং ১ লৈবাকপোকপা নুমিৎ নুমিৎ য়ুংবা মতুং পুং ১২ মি ৪৫ দা লৈখিদ্রে। লৈখিদবা মতমদা মশাগী চহী ৮৭ শুখ্রে। পঞ্জাবকী কুন্দন বিদ্যা মন্দিরদা শাংলবা চহী ২৭ চুপ্না মনিপুরী জগোয় অমসুং ভারত নাত্যমগী জগোয় তাকপীরম্মী। খৃকুমজা ১৯৬১ দা শান্তিনিকেতন শঙ্গীত ভবনগী প্রিন্সিপাল শ্রীয়ুত সৈলেস রঞ্জন মজুমদারগী পাউতাক মতুং ইন্না নৃত্য গুরু অসি কলাঙ্গন একাদেমী অফ মিউজিক এন্দ দান্স ইউপি দসু মনিপুরী জগোয়গী ওজা ওইরমখি। মনিপুরী নর্তন কেন্দ্র লক্ষ্নৌনা ১৯৭৯ দা নৃত্য়চার্য্য়, আসাম সরকারনা ১৯৯৭ দা কলাগুরু বিষ্নুরভা এৱার্দ, মনিপুরী সাহিত্য পরিষদ আসামনা ২০০০ দা নৃত্য ভুষন উপাধী, অদুগা ২০০১ দা মনিপুরী সাহিত্য পরিষদ ইম্ফালনসু নৃত্য ভুষনগী উপাধী পিদুনা ইকাই খুম্নবা উৎখি। 
 সনসম ধনেশ্বর সিংহ খৃ কুমজা ১৯৩৩ গী দিসেম্বরগী তাং ২০ দা কাছারগী বোরবিল খুঙ্গংদা পোকখি।  (পাউ অসি ইউতিউবতা য়েংবিউ)

Post a Comment

0 Comments