স্মাইল চেরিতি এনজিও না মালেমগী ঐইদস্ নুমিৎকী থৌরম সোনাবারি ঘাটতা পাঙথোকখ্রে।

লখিপুরওনলাইন নিউজ দেস্কঃ স্মাইল চেরিতি এনজিও না শিল্লাংদুনা হৌখিবা দিসেম্বরগী তাং ১ মালেমগী ঐইদস্ নুমিৎকী থৌরম সোনাবারি ঘাটতা পাঙথোকখ্রে। পোথারবা ওজা আইনুল হোক চৌধুরীনা মীফম মপু ওইদুনা পাঙথোকখিবা থৌরমদা কাছার জিলা ত্রিনামুল কংগ্রেসকী জেনরেল সেক্রেটরী অদুগা সোনাই কেন্দ্রগী মীরেপ ওইগদৌরিবা ডাঃ মাইমোম শান্তিকুমারনা অথোইবা মীথুংলেন ওইনা শরুক য়াখি।  সোনাবারিঘাট জিপিগী নোমিনি ওইরিবা আলতাফ হুসেন বরভুইয়া অমসুং এপিদিসিএলগী এসদিও ওইনা থৌ পুরিবা আলি আহমেদ চৌধুরী থৌরমসিদা মীথুং ওইনা শরুক য়াখি। নুমিৎ অসি স্মাইল চেরিতি এনজিওগী শাফোংলকখিবা নুমিৎসু ওইখি। থৌরমগা মরী লৈননা ৱা ঙাংলদুনা অথোইবা মীথুংলেন ডাঃ মাইমোম শান্তিকুমার না ৱার্লদ ঐইদস্ দে করম্না হৌদোকখিবনো হায়বগী মতাংদা পনখি। থৌরম অসি মরুওইনা পাঙথোকপগী পান্দমদি মীওইবা খুদিংমক্না ঐইদস্ অসি ঙাকথোক্নবগী দমক করি তৌবা তায় হায়ব অদু ঐখোয় পুন্না খঙমিন্নদুনা লায়না অসিদগী চেকশিন্না লৈনবা খৃকুমজা ১৯৮৮ দগী হৌরদুনা চহি খুদিংগী দিসেম্বরগী তাং ১ দগী হৌদুনা নুমিৎ অসি  পাঙথোকতুনা লাকপনি হায়খি। (Pao Asi YouTube ta Yengbiyu)