পাথারকান্দি বাইপাসতা বাইকতা লাকপা মতৈমনাও ত্রাকনা থোম্বদা লৈখিদ্রে।

লখিপুরওনলাইন দিজিতেল দেস্কঃ বরাক তম্পাকতা হন্দক খরনি অসি গারী এক্সিদেন্টকী থৌদোক য়াম্না তোয়না থোকপা থেংনরে। ঙরাংসু বাইকতা লাকপা মতৈ মনাও দাম্পার ত্রাক অমানা থেংবদগী মখোয় অনিমক শিরে। ঙরাং থাংজা নুমিৎ নুমিদাংৱাইরম পাথারকান্দি পুলিস স্তেসনদা থবক তৌরিবী তিনামনি চরাই চহী ৩০ মহাক্কী থবক লোয়রবা মতুংদা মপুরোইবগা লোয়ননা বাইক অমদা ময়ুমদা হনবগী লম্বীদা আসাম ত্রিপুরা নেসনেল হায়ৱে নম্বর ৮ কী পাথারকান্দি বাইপাস তা করিমগঞ্জ তম্না লাকখিবা দাম্পার ত্রাক অমনা থোম্বদা বাইক থৌরকখিবা মপুরোইবা লিংগী চরাই চহী ৪৫ থৌদোকফমদা শিখি। লৈকায়গী মীয়ামনা ফিভম থীনা শোক্লবী মাগী নুপী তিনামনিবু মনাক নকপদা লৈবা লায়েংশঙদা পুখৎখি অদুবু কনবা ঙমখিদে। ত্রাক গারী অদু চেনন্নবা হোৎনবদা মীয়াম চংদুনা ফাখি হায়রি। পাউ অসি তাবদা ক্বাতরদা লৈহৌবা চহী ১২ গী মচানুপা থমোয় শোক্না কপখি। অসোমদা থৌদোক অসিগী পাউ ফংবদা এমএলএ কৃষ্ণেন্দু পাল খুদক্তা পাথারকান্দি হোসপিতালদা লাকতুনা য়েংশিনখি হায়রি। (Pao asi YouTube ta yengbiyu)