সোক্কর ফুতসল ফেদরেসননা ইন্দিয়াগী তীমগী দমক আসামদগী মৈতৈমচা ৪ য়াওনা শান্নরোই ৫ খনগৎখ্রে।

লখিপুরওনলাইন দিজিতেল দেস্কঃ ইন্দিয়ান সোক্কর ফুতসল ফেদরেসন হেদ ক্বাতর গুজরাতনা শিল্লাংদুনা রাজস্থানগী খান্দেলৱাল কোলেজ লম্পাকতা চৎথরিবা চহী ১৯ মখাগী  ১৩শুবা জুনিয়র নেসনেল ফুতসল চেম্পীয়নসীপ ২০২০ গী দিসেম্বরগী ২৯ লৈবাকপোকপা নুমিত্তা শান্নখিবা ফাইনেল মেচতা রাজস্থান তীম অমসুং আসাম বি তীম অনিনা অপিবা মতমগী মনুংদা গোল অমমম চন্নদুনা দ্রো ওইখি। মতুংদা শান্নখিবা তাই ব্রেকরদা রাজস্থাননা গোল ৪ অদুগা আসাম বি তীমনা গোল -  ৩ চনখিবগা লোয়ননা আসাম বি তীম ফার্স রানর্স আপ তাহৌখি। রাজস্থাননা চেম্পীয়ন ওইখি।

 আসাম বি তীমদগী শান্নরোই ৫ ইন্দিয়াগী নেসনেল তীমগী দমক খল্লে হায়না লাউথোকখি। মখোয় মঙা অসি মথং চহীগী এপ্রিল থাদা পোর্তুগালদা শান্নগদবা ইন্তরনেসনেল সোক্কর ফুতসল তোর্নামেন্তা ইন্দিয়াগী তীমদা শরুক য়ারগনি। খনগৎখ্রবা আসামগী শান্নরোইশিং অদুদি ও রোবিকুমার সিং, রাহুল দাস, এম মনিসনা সিং, ঙাঙোম কনবা অমসুং এস দীপক সিং নি।

পনবা য়াই আসাম সোক্কর ফুতসল এসোসিয়েসন হেদ ক্বাতর লখিপুরগী মখাদা শরুক য়ারিবা আসাম এ তীম অমসুং আসাম বী তীম  অসিবু লুচিংলিবা অফিসিয়েল শিংদি জেনরেল সেক্রেতরী এস বীরচন্দ্র সিং, জোইন্ত সেক্রেতরী এনজি ব্রজকিশোর সিং, কোচ এল বিশ্বজীৎ সিং, অদুগা মেনেজরদা এনজি রঞ্জিত সিং অমসুং এম সোমোরজিৎ সিং য়াওরি। Pao asi YouTube ta yenbiyu - CLICK HERE