মনিপুরী সোর্ত স্তোরি সোসাইতি, ইন্দিয়াগী ২৭ শুবা ৱারীমচা পাবগী থৌরম শিলচরদা পাঙথোকখ্রে।

লখিপুরওনলাইন দিজিতেল দেস্কঃ মনিপুরী সোর্ত স্তোরি সোসাইতি, ইন্দিয়ানা শিনদুনা দিসেম্বরগী তাং ২৫ ইরাই নুমিত্তা ২৭ শুবা লৈবাক্কী ওইবা ৱারীমচা পাবগী থৌরম অমা শিলচর মধ্যসহর সংস্কৃতি হোলদা নোংমা চুপ্না পাঙথোকখ্রে। অয়ুকতা লূপকী ফিরাল চীংখৎতুনা থৌরম হৌদোকখি। হন্দকতা লৈখিদ্রবা সিনিয়র সিতিজেন ঙারিয়াম্বম গৌরচন্দ্র, এসিএস বেমথোই চনু  অমসুং লূপকী লৈখিদ্রবা মেম্বরশিংগী মফমদা মৈরা অমসুং লৈশু কৎতুনা ইকাইখুম্নজখি। মতুংদা লূপকী প্রেসিদেন্ট ইঙুদম বিনোদনা মীফম মপু ওইদুনা পাঙথোকখিবা থৌরমদা আসাম ইউনিভার্সিতিগী প্রোফেসার ড. ৱারীবম রঘুমনিনা মৈরা চুখৎতুনা থৌরম হৌদোকখি। অথোইবা মীথুংলেনগী ৱারোলদা হৌজিক্কী মনিপুরী ৱারীমচাগী ঈচেলগী মরমদা ৱাহৈ খরা ফোঙদোকখি। থৌরমসিদা শক্নাইরবা অইবা অনি ইম্ফালগী খুমন্থেম প্রকাশ অমসুং হোজাইগী লাইতোঞ্জম নীলমনিদা রাজকুমার শীতলজিৎ নিংশিং মনা পীখি, লোয়ননা জারিবোনগী অইবী শ্রীমতি এল নীনা দেবী অমসুং শিলচরগী ড. কুঞ্জলাল য়েন্দ্রেম্বমবু তরাম্না ওকখি। থৌরমদা কোন্সম বিনোদ বিহারী অখন্নবা মীথুং ওইনা শরুক য়াখি। লুপকী ভাইস প্রেসিদেন্ট অহুম মোইরেমজম দেবসিং, কৈসাম বিদ্যাপতি অমসুং সরত থোকচোমনা মীফম মপু ওইদুনা অমদি কাছার কোলেজ শিলচরগী প্রোফেসার চান্দম কমলা দেবী অমসুং প্রোফেসার ঙাঙোম বসন্তকুমারনা ৱাতেম্বীদুনা ৱারীমচা পাবগী থৌরম চৎথখি। পুন্না অইবা অইবী ৩৫ না শরুক য়াখি। থৌরমগী মনুং চন্না চাংখ্রময়ুম বিদিত কুমারনা ৱারীমচা পাবগা লোয়ননা ঈসৈ অমসু খুদোল তমখি। মতুংদা পাঙথোকখিবা অফোঙবা মীফমদা লুপকী চহীগী পাউদম অমসুং শেলথুমগী ফিভমগী মরমদা থৌবুরেন খাইদেম কান্ত অমসুং সেলুংবা থোকচোম নলিনীকুমারনা পাউদমখি। মথং চহীগী থৌরম জিরিবামদা পাঙথোকপা হায়নসু লেপ্নখি। নুমিৎসিগী থৌরমদা লূপনা খোমজিনবা ৱারীমচাগী লাইরিক অমসু পুথোকখি। (Pao asi YouTube ta yengbiyu)