ইমালোন কনবগী খোংজংদা উরাবিল লাবোকপার, বিন্নাকান্দি অমসুং বাদুগোর খুঙ্গংদা কেম্পেইন চৎথখ্রে।


লখিপুর, কাছার, সেপ্তেম্বর ১৩,  ২০২০ঃ  মনিপুরি য়ুথস্ ফ্রন্ত অফ আসাম, মায়ফানা লেপ্তনা চৎথরকলিবা ইমালোন কনবগী খোংজংগী মখা চৎথরকপা ওইনা লখিপুর কন্সতিতুয়েন্সিগী মনুং চন্না লৈবা উরাবিল লাবোকপারদা ঙরাং অয়ুক ৭১ শুবা কেম্পেইন পাঙথোকখ্রে। থৌরমদা কুঞ্জবাবু সিংহ, মায়ফাগী প্রেসিদেন্ট সেরাম হেরাজিৎ, আসাম মনিপুরী মুসলিম য়ুথ ফ্রোন্ত কী ফাউন্দর প্রেসিদেন্ট আহম্মদ চৌধুরী, ইমা সনাথোই নচিংবা মীওইশিংনা শরুক য়াখি। কেম্পেইন অসিদা শরুক য়াখিবা মীয়াম্না মনিপুরী লোনবু আসাম লৈঙাক্কী এসোসিয়েত অফিসিয়েল লেঙ্গুয়েজ ওইহনগদবনি হায়বসি ঐখোয়সু থৱায় হকচাং য়াওনা শৌগৎচগনি হায়না মীফম মপু কুঞ্জবাবুনা ফোঙদোকখি। মীফম লোয়রবা মতুংদা পোস্তকার্দকী কেম্পেইন অমসু পাঙথোকখি। 
ইমালোন কনবগী ৭২ শুবা কেম্পেইন ওইনা ঙরাং নুংথিল পুং ৩ বিন্নাকান্দিগী সাউথ বোরাক হোলদা স্তার ক্লাব অমদি বিন্নাকান্দি মৈরা মরুপ অনিনা খুৎশম্নদুনা পাঙথোকখি। রিতায়ার্দ কর্ণেল আরাম্বম গৌরকিশ্বর না মীফম মপু ওইদুনা পাঙথোকখিবা মীফমদা মায়ফাগী প্রেসিদেন্ট সেরাম হেরাজিৎ, আহম্মদ চৌধুরী, মৈস্নাম পদ্মাবতী দেবী, হেমচন্দ্র সিংহ, ইমা সনাথোই নচিংবা মীওইশিংনা দাইজতা ফমখি। থৌরমগী ৱাহৌদোক পীরদুনা মনিহার সিংহনা ইমালোন কনবগী খোংজং অসিদা মায়ফানা লেপ্তনা চংশিল্লকপা অসি ঐখোয়নসু শৌগৎফম থোকই হায়খি। লৈশুংবম রোবিন্দ্রনা এপিএসসি দা মনিপুরী লোননা থাবা য়ারগতা ঐখোয় পেন্থোকপা য়ারোই অদুনা ঐখোয়গী লোন এসোসিয়েত অফিসিয়েল লেঙ্গুয়েজ ওইহন্দ্রিফাওবা ঐখোয় নীঙ হল্লোয় হায়খি। মায়ফাগী প্রেসিদেন্ট সেরাম হেরাজিৎ না  ঐখোয় আসামদা নোংম নোংমগী শোত্থরকপা ফূরূপ অমা ওইরকলি অদুনা ঐখোয় পুন্না অকনবা খোঙজং অমা চংশিনবগী মতম য়ৌরকলে, আসাম সরকারগী লাল্লোং কয়াদা ঐখোয়বু মসিঙ লিকপা ফূরুপনি হায়না থৌওইবিরক্তবসি ঐখোয়না তুমদুনা লৈথোকপগী মতম নত্রে অদুনা ময়াম পুন্না ঐখোয়গী ইমালোনসি আসাম সরকারগী এসিসিয়েত অফিসিয়েল লেঙ্গুয়েজ ওইহনগদবনি হায়বগী খোল্লাউ লাউমিন্নসি হায়খি।

মীওই খরনা লান্না শন্দোকপিদুনা ঐখোয়বু ভোত খোম্বনি হায়রিবসি অরানবা পাউনি হায়রদুনা, কেম্পেইন অসি হেরাজিৎ ভোত লেপ্পগী কেম্পেইন নত্তে, ইমা্লোনবু আসাম সরকারগী এসোসিয়েত অফিসিয়েল লেঙ্গুয়েজ ওইহনগদবনি হায়বগী কেম্পেইননি, মীয়াম্না লান্না উবিগনু হায়খি। আহম্মদ চৌধুরীনা ঐখোয় ধর্ম মান্নদ্রবসু ইমালোন মান্নবা ঐখোয় পুন্না ইমালোনবু কন্নবা হোৎনমিন্নসি হায়খি। মীফম মপু রিতায়ার্দ কর্ণেল আরাম্বম গৌরকিশ্বরনা ইমালোন লৈতবদা ঐখোয়সু লৈতবগা চপ মান্নগনি অদুনা ঐখোয়না ঐখোয়গী ইমালোনবু কন্ননবা হোৎনমিন্নসি হায়খি। কেম্পেইন অদুদা তোঙান তোঙানবা মরুওইবা মীওই কয়ানসু ৱা ঙাংখি। বিন্নাকান্দিগী মীফমদা মীয়ামনা মায়ফাগী খোঙজং অসিবু সৌগৎলদুনা লুপা লিশিং তরেৎ মতেং পিখি। ঙরাং মায়ফাগী ৭৩শুবা কেম্পেইন উধারবন্দ কন্সটিতিয়েন্সিগী মনুং চনবদা মৈতৈশিংনা বাদুগোর হায়না মীংগৌবা বাহাদুরগ্রাম খুঙ্গংদা পাঙথোকখি। কেম্পেইন অদুদা আমপালগী প্রেসিদেন্ত অহোংসাংবম লিলি, মায়ফাগী জেনরেল সেক্রেটরী লখিকান্ত, মায়ফাগী ফাইনেন্স সেক্রেটরী চিত্তরঞ্জন সিংহ, মৈরাপায়বীগী উরিরৈ সিংহ নচিংবা মীওইশিংনা শরুক য়াখি।

ইমালোন কনসি হায়বা খোংজংগী শরুক অমা ওইনা ঙরাং লখিপুর কন্সটিটিয়েন্সিগী মনুং চনবদা লৈবা বিবিরগ্রামদসু পোস্তকার্দ কেম্পেইন অমা পাঙথোকখি। ইমা ইজুকেসনেল ট্রাস্ট না শিল্লাংখিবা পোস্তকার্দ কেম্পেইন অসিদা চাওরাক্না মীওই ১০০ রোমনা শরুক য়াখি। থৌরমগা মরী লৈননা সোসিয়েল এক্টিভিস্ট ঐইচ অঙৌতোন সিংহনা ইমালোনগী দমক্তা মহাক থৱাই ফাওবা থাদোকপা পাম্মুদে হায়না ফোঙদোকখি। লোয়শিল্লকপদা কে করুনামুর্তি মিশ্রনা লোনগী ৱাকৎশিং অদু তুইতরগী খুৎথাংদা প্রাইম মিনিস্তর, মহৈমশিংগী মন্ত্রী, ঐইচআরদি মন্ত্রী অমসুং চীফ মিনিস্তরগী মফমদা থাজিনখি।   (পাউ অসি ইউতিউবতা য়েংবিউ)

Post a Comment

0 Comments