লখিপুর, আগস্ট ২১, ২০২০ঃ মনিপুরী য়ুথস্ ফ্রোন্ত অফ আসাম মায়ফাগী লুচিং মখাদা লূপ কয়ামরুমগা লোয়ননা ঙসি অয়ুক লখিপুর খুমন বাসস্তেন্দা মনিপুরী লোনবু আসাম লৈঙাক্কী এসোসিয়েত অফিসিয়েল লোন ওইহন্নবা দাবী তৌরদুনা সিট ইন দেমোন্সট্রেসন অমা পাঙথোকখ্রে। পুং ২ রোম চুপ্না পাঙথোকখিবা খোঙজং অদুদা আসাম মনিপুরী মৈরা পায়বী অপুনবা লূপ আমপাল, ওল আসাম মনিপুরী ৱূইমেন মৈরা পায়বী কোর্দিনেসন কমিতি, ৱুইমেন এক্সন কমিতি ফোর ভিলেজ প্রোতেক্সন, অল আসাম মনিপুরী মুসলিম স্টুদেন্টস্ ইউনিওন, আসাম মনিপুরী মুসলিম য়ুথস্ ফ্রোন্ত, মনিপুরী মুসলিম দিভলপমেন্ট ওর্গেনাইজেসন আসাম অমদি নোংইন এনজিও নচিংবগী মীহুৎশিং য়াওখি। থৌরমদা রিতায়ার্দ জোইন্ত সেক্রেতরী কাঙবম শান্তিকুমার অমসুং এক্স জিএস আমসু লখিপুর দিস্ট্রক লৈশুংবম রোবিন্দ্র, ইঙুদম বিনোদ, মায়ফাগী প্রেসিদেন্ট সেরাম হেরাজিৎ, আমপালগী প্রেসিদেন্ট এ লিলি, অনিতা সিংহ, কোঞ্জেংবম অরুনা দেবী, রিদয়ার্দ কর্ণেল আরাম্বম গৌরকিশ্বর, নিজাম উদ্দিন, অহম্মদ হুসেন চৌধুরী, জিয়াউল হোক চৌধুরী, অমসুং কৈশাম বিদ্যাপতি নচিংবা মীওইশিংনা শরুক য়াখি। মতুংদা লখিপুরগী এসদিও গী খুৎথাংদা আসামগী মুখ্যমন্ত্রী, আসামগী গভর্নর অমসুং মহৈমশিংগী মন্ত্রীগী মফমদা মেমোরেন্দম অমমম পীশিনখি। Lakhipuronline YouTube
সোনাইদসু মনিপুরী লোনবু আসাম লৈঙাক্কী এসোসিয়েত অফিসিয়েল লোন ওইহন্নবা দাবী তৌরদুনা সিট ইন দেমোন্সট্রেসন অমা সোনাই ওতোস্টেন্দদা পাঙথোকখি। থৌরমদা দাঃ মাইমোম সান্তিকুমার, খ্রাংজাকপম কৃষ্ণমোহন, নবকুমার সিংহ, মায়ফাগী প্রেসিদেন্ট সেরাম হেরাজিৎ, ইমা সনাথোই, ইমা সাবিত্রি অমসুং শরৎচন্দ্রনচিংবা মীওইশিংনা শরুক য়াখি। নুংথিলদা আসাম বিধান সভাগী দেপুতি স্পিকর অমসুং সোনাইগী এমএলএ আমিনুল হোক লস্কর থৌরমফমদা থুংলখি অমসুং ধর্নাদা শরুক য়াখিবা মীওইশিংনা মখোয়গী দাবী মহাক্কী মফমদা তাহনখি। এম এল এনা হীরমসিগী মতাংদা মরীলৈনবশিংদা সোইদনা ৱারী শান্নগনি হায়বগী থাজবা পীরকমখি। মতুংদা সোনাই সার্কল ওফিসারগী খুৎথাংদা আসামগী মুখ্যমন্ত্রী, আসামগী গভর্নর অমসুং মহৈমশিংগী মন্ত্রীগী মফমদা মেমোরেন্দম অমমম পীশিনখি। Lakhipuronline YouTube
