ঙসি

বরাক তম্পাক্কী খোমজিনবা পাউ ৩০ - ০৭ - ২০২০

বরাক তম্পাক্কী  খোমজিনবা পাউ ৩০-০৭-২০২০

মনিপুরী য়ুথস্ ফ্রন্ত অফ আসাম (মায়ফা) না লেপ্তনা চঙশিল্লকলিবা ইমালোনবু আসাম সরকারগী এসোসিয়েত অফিসিয়েল লোন ওইহনগদবনি হায়বা খোঙজংগী শরুক অমা ওইনা ঙরাং কাছার জিলাগী মাসপারা, লখিপুর খুমন অমসুং পালারবন্দা এৱেরনেস কেম্পেইন পাঙথোকখি। অয়ুক পুং ১০.৩০ দা মাসপারা খুঙ্গংদা তোম্বাবু সিংহনা মীফম মপু ওইদুনা পাঙথোকখিবা মীয়ামগী ওইবা মীফমদা ইমালোনগী ওইবা খোঙজং অসিদা অমত্তা ওইনা শৌগৎকনি হায়বগী ৱাফম ফোঙদোক্নরকখি। মতুংদা নুংথিলগী পুং ১ দা লখিপুর খুমনগী গুরুময়ু্ম মাণ্ডপতা মীয়ামগী ওইবা মীফম অমা পাঙথোকখি। ইঙুদম বিনোদনা মীফম মপু ওইদুনা পাঙথোকখিবা মীফমসিদা রিটায়ার্দ এসিএস কাঙবম শান্তিকুমার, রিটায়ার্দ কর্ণেল আরাম্বম গৌরকিশোর, আমপালগী প্রেসিদেন্ত এ লিলি সিংহ, মাইফাগী প্রেসিদেন্ত সেরাম হেরাজিৎ দাইজতা ফমখি। মীফমদা ৱার্দ কমিসনার লৈশুংবম রোবিন্দ্র, আসাম মনিপুরী সাহিত্য পরিষদকী জেনরেল সেক্রেতরী ঙাঙোম বসন্ত, রিটায়ার্দ প্রোঃ কে. এন. চাঁন্দ, ইমা সনাথোই, মাইফাগী প্রেসিদেন্ত সেরাম হেরাজিৎ, জেনরেল সেক্রেতরী অক্রম লখিকান্ত, ইমা কে অরুনা দেবী, নবদ্বীপ সিংহ, আব্দুল হামিদ নচিংবা মীওই কয়ানা ৱা ঙাংখি। মায়ফানা ইমালোনগী দমক চঙশিল্লিবা খোঙজং অসিদা খুদিংমকনা থৱায় হকচাং য়াওনা শৌগৎপা ফোঙদোক্নখি। লখিপুর খুমনদা পাঙথোকখিবা মীফমনা পি গীতচন্দ্র সিংহবু প্রেসিদেন্ত, এস থোইবা সিংহবু ভাইস প্রেসিদেন্ত, আই রঞ্জিত সিংহবু জেনরেল সেক্রেতরী অমসুং এ সুমিলা শর্মাবু ফাইনেন্স সেক্রেতরী খন্দুনা অপুনবা একজিকিউতিব মেম্বর ১৬ না শাবা মায়ফাগী লখিপুর ব্রাঞ্চ কমিতি অমা শেমখি। মসিগী তুংদা নুংথিল পুং ৪.৩০ দা পালারবন্দ খুঙ্গংদা খোঙজং অসিগা মরী লৈননা পাঙথোকখিবা মীফমদা নোংথোম্বম হেমন্তকুমার না মীফম মপু ওইখি। পালারবন্দগী মীয়াম্নসু ইমালোনগী দমক খোঙজং অসিবু শৌগৎলি হায়খি।  Pao asi Youtube ta tabiyu


কাছার জিলাগী দিসি কীর্তি জাল্লি না হকশেলগা মরীলৈননা থবক তৌরিবা মীওইশিংদা মখোয় মশেলদা লায়চৎ অসিনা শন্দোরকপা থীংননবা কোভিদ ১৯ গী চৎন-কাংলোন নীংথিনা ঙাকতুনা চৎনবা খঙহনখ্রে। ঙরাং শিলচরগী এস এম দেব সিভিল হোসপিতালগী কনফারেন্স হোলদা সুপারিন্তেন্দেন্ত অমসুং অতৈ হেল্ঠ ৱার্করশিংগা লোয়ননা ফমখিবা মীফম অমদা হকশেলগা মরী লৈননবা থবক তৌরিবশিংদা লায়চৎ অসি শন্দোকহন্দনবা কোভিদকী চৎনকাংলোন ঙাক্নবা হায়খি। Pao asi Lakhipuronline Youtube Channel da tabiyu


ঙরাং নুমিদাং পুং ৭-৩০ ফাওবদা ফংবা পাউগী লিখুন মতুং ইন্না কাছার জিলাদা মীওই ৮২ পোজিতিব ওইবা থেংনখি। রিজাল্ট খরগা লাক্কদবা লৈরি। মসিগী মনুংদা ফায়ার সার্বিসতা থবক তৌবা মীওই খরগী মশাদা পোজিতিব ওইখি। লোয়ননা কন্তেক্ট ত্রেসিংগী খুৎথাংদসু মীওই খরা পোজিতিব ওইখি। নাকল অমরোমদা লায়চৎ অসিনা লায়কন্নরম্বা বিমল পাল কৌবা মীওই অদু স্তেত দেথ ওদিত বোর্দকী রিপোর্তকী মতুং ইন্না কোভিদনা মরম ওইরগা শিখিবনি হায়না জিলা অসিগী হকশেল লোয়শঙগী মেদিয়া এক্সপার্ত সুমন চৌধুরীনা ফোঙদোকখি।


আসামদা কোভিদ ১৯ গী লায়চৎ অসিনা ঙরাং য়ামখ্রবা মীওই ১৩৪৮ গী মশাদা পোজিতিব ওইবা থেংনখ্রে। মসিগী মনুংদা মীওই ৩৪৮ না কামরূপ মেত্রোদগীনি অদুগা ১২৭ না কামরূপত রুরেলদগীনি। মসিগা লোয়ননা আসামদা অপুনবা পোজিতিব ওইখিবা কেস মশিং ৩৬,২৯৫ শুখ্রে। অমরোমদা ঙরাং য়ামখ্রবা মীওই ১২১৪ ফদুনা হোসপিতালদগী য়ুমদা হনখ্রে। লায়চৎ অসিগী ফরকপগী চাং চাদা ৭৬.৭৭ ওইখি। আসামদা লায়চৎ অসিদগী ফদুনা য়ুমদা হনখিবা মীগী মশিংনা পুন্না ২৭,৮৩২ ওইখি। অদুগা লায়চৎ অসিনা মরম ওইরদুনা লাইয়েং চৎথদুনা লৈরিবা একতিব কেসকী মশিংনা ৮৩৬৮ নি। ঙরাং মীওই ৪ লায়চৎ অসিনা শিখিবগা লোয়ননা রাজ্য অসিদা শিখিবা মীগী মশিংনা ৯২ শুখ্রে। ঙরাং লৈখিদবা মীওইশিং অদুদি কাছার জিলাদগী বিমল পাল চহী ৭৮, তীনসুকিয়াদগী হেমা দেবী চহী ৭৭, অদুগা যোরহাততগী দক্তর এস এ দব্লিউ হুসেন চহী ৮৫ অমসুং দেবারী কর্মকার চহী ৪০ নি। ৱাফমশিং অসি রাজ্যগী হকশেল মন্ত্রী দা হিমন্ত বিশ্ব শর্মানা মহাক্কী টুইটরদা ঙরাং নুমিদাং ফোঙদোকখিবনি। Pao asi Lakhipuronline Youtube Channel da tabiyu


মনিপুরগী হকশেল লোয়শঙদগী ঙরাং জুলাই তাং ২৯ নুমিদাংৱাইরম থোকখিবা চেরোল মতুং ইন্না মীওই ১৪১ নৌনা পোজিতিব ওইবা থেংনখি। মসিগা লোয়ননা মনিপুরগী অপুনবা কোভিদ ১৯ গী কেস ২৪৫৮ শুখ্রে। অমরোমদা লায়েংদুনা লৈরম্বা মীওই ৩৮ ফদুনা হোসপিতালদগী ময়ুমদা হনখ্রে। ফদুনা য়ুমদা হনখিবা মীগী মশিং পুন্না ১৬৫৩ শুরে। অদুগা লাইয়েং চৎথদুনা লৈরিবা একতিব কেসকী মশিংনা ৮০৫ নি। মনিপুরগী ওইনা ঙরাং লায়চৎ অসিদগী ফরকপগী চাং চাদা ৬৭.২৪ ওইখি। Pao asi Lakhipuronline Youtube Channel da tabiyu


ভারতকী হকশেল অমসুং য়াইফ-য়ুম্বাল লোয়শঙগী পাউ মতুং ইন্না ঙরাং ফাওবদা ভারতনা লায়চৎ অসিদগী ফরকপগী চাং চাদা ৬৪.৫১ ওইখ্রে। লায়চৎ অসিনা লায়কন্নরম্বদগী ফরকতুনা ময়ুমদা হনখিবা মীগী মশিং ৯,৮৮,০২৯ ওইরে। হৌখিবা পুং ২৪ অসিদা লায়চৎ অসিনা লৈবাক অসিদা শিখিবা মীগী মশিং ৭৬৮ ওইখি। মসিগা লোয়ননা লৈবাক অসিদা ঙরাং ফাওবদা লায়চৎ অসিনা লৈখিদবা মীগী মশিং ৩৪,১৯৮ নি। অদুগা লৈবাক অসিগী তোঙান তোঙানবা লায়েংশঙশিংদা লায়েংদুনা লৈরিবা এক্তিব কেসকী মশিংনা ৫,০৯,৪৪৭ নি। Pao asi Lakhipuronline Youtube Channel da tabiyu


হৌখিবা জুলাইগী তাং ৪, ৭ অমদি ১৪ দগী জিরিবামগী মফমশিংদা কন্তেইমেন্ত জোন নি হায়না অথিংবা থম্লম্বা অর্দর অদু ঙরাং জিরিবামগী দিসি দব্লিউ মালেমঙানবা চেংলৈ আইএএস না মখা তানা ওর্দর অমা থোকতুনা লৌথোকখ্রে। ফ্রি জোন ওইরে হায়না লাউথোকখ্রবা মফমশিং অদুদি দিবোং মখা লৈকায়, দিবোং খুনৌ ৱার্দ নম্বর ৩, কুঞ্জবোন, পাৎচাও, চীংদোংলৈকায়, ইসলামাবাদ, চম্পানগর, কালিনগর পার্ত থ্রী, সোনাপুর পার্ত ৱান অমসুং জিরিবাম হায়ার সেকেন্দরী স্কুলগী অকোয়বা কেম্পস নচিংবা মফমশিং অসিনি। লোয়ননা কন্তেইনমেন্ত জোন এরিয়ানি হায়না লাউথোকখিবা মফমশিং অসি সার্বিলেন্স তৌবগা লোয়ননা চীংনবশিং চাংয়েং তৌবদা লোয়না নিগেতিব ওইখি হায়না চেরোল অদুদা পল্লি। নিংশিংবা য়াই, জুলাই তাং ২৫ দসু জিরিবামগী মফম ১১ দা কন্তেইমেন্ত ফ্রি জোন এরিয়া ওইরে হায়না লাউথোকখিবসু লৈখ্রে হায়না জিরি নিউজ নেতৱার্ককী পাউ অসিনা মখা তারি। Pao asi Lakhipuronline Youtube Channel da tabiyu