ঙসি

বরাক তম্পাক্কী খোমজিনবা পাউ ২৯-০৭-২০২০

বরাক তম্পাক্কী  খোমজিনবা পাউ ২৯-০৭-২০২০


মহাকবি হিজম অঙাংহলগী চহী ১২৮শুবা মপোক কুমওন থৌরম অমা লখিপুরদা লৈবা নহারোল খোরিরোল শিল্লুপ আসামগী শঙলেন্দা ঙরাং পাঙথোকখ্রে। প্রোফেসার জি নরহরি শর্মানা মীফম মপু ওইদুনা পাঙথোকখিবা থৌরমসিদা মহাকবি অঙাংহলগী শক্তমদা লৈশু কৎতুনা ইকাই খুম্নবা উৎখি। থৌরমগা মরী লৈননা মহাকবিগী পুন্সি অমসুং সাহিত্যগী মরমদা ইঙুদম বিনোদ অমসুং ঙাঙোম বসন্তনা ৱা ঙাংখি। 


ইমালোন কনবগী লেপ্তনা চৎথরকলিবা মনিপুরী য়ুথস্ ফ্রন্ত অফ আসাম মায়ফাগী খোঙজংগী শরুক অমা ওইনা ঙরাং কাছার জিলাগী গুমড়া জলালপুরগী মৈতৈ খুনদা এৱেরনেস কেম্পেইন অমা পাঙথোকখি। থৌরমদা খুন অসিগী অহল কামিনি সিংহ, আমপালগী প্রেসিদেন্ত এ লিলি সিংহ, ভাইস প্রেসিদেন্ত ইমা সনাথোই, মাইফাগী প্রেসিদেন্ত সেরাম হেরাজিৎ, জেনরেল সেক্রেতরী অক্রম লখিকান্ত নচীংবা মীওইশিংনা দাইজতা ফমখি।
থৌরমগী ৱাহৌদোক পীরদুনা অক্রম লখিকান্তনা ভারত সংবিধানগী ৮শুবা সেদ্যুলদা চল্লিবা লোন অমগী ফংফম থোকপা হকশিং ভারত সংবিধানগী আর্তিকল 347/350B1 দা ময়েক শেংনা য়াওরি হায়খি। মসিদা ঐখোয়গী মনিপুরী লোন আসাম সরকারগী এসোসিয়েত অফিসিয়েল লোন ওইহনবা য়াবগী খুদোং চাবা পীরি। ঐখোয় লিংজেল থৌনা উৎপা তাবনি নত্রবদি নোংমদি শোয়দনা ঐখোয় মাংখিগনি হায়বগী মীপায়বা পোকই হায়খি।
সেরাম হেরাজিৎনা ঐখোয়গী ফংফম থোকপা হক অদু সরকারদা দিমান্দ তৌদুনা ফংননবা হোৎনমিন্নসি। মনিপুরী লোন আসামগী এসোসিয়েত অফিসেয়েল লোন ওইদ্রবদি ঐখোয়গী তুংগী মীরোল মীখা পোন্না হীংখ্রগনি মরম অদুনা ঐখোয় অমত্তা ওইনা অকনবা খোংজং চংশিনমিন্নসি হায়খি।
জালালপুরগী কামিনি সিংহনা ফুরূপচা খুদিংমকনা ইমালোনগী দমক চংশিল্লকপা খোঙজংদা মপুঙ ফানা শৌগৎচগনি হায়বগী ৱাফম ফোঙদোকখি।
মীফমদা মায়ফাগী অনিল সিংহ, সিঐইচ বিশ্বজিৎ সিংহ, শ্যামন্ত সিংহ নচিংবা মীওইশিংসু শরুক য়াখি।
ঙসিগী মীফমনা উত্তম সিংহবু প্রেসিদেন্ত অমসুং সুরজ সিংহবু ভাইস প্রেসিদেন্ত খন্দুনা একজিকিউতিব মেম্বর ১৫ না শাবা মায়ফাগী গুমড়া জলালপুর ব্রাঞ্চ অমা শেমখি।  Paosing asi YouTube ta yengbiyu

কাছার জিলাদা নুমিদাং পুং ৭ মখায় ফাওবদা ফংখিবা রিপোর্ত মতুংইন্না জিলা অসিদা কোবিদ ১৯ না পোজিতিব ওইখিবা মীগী মশিং ৯০ ওইখি। মসিগী মনুংদা আসাম বিধান সভাগী দেপুতি স্পীকর অমসুং সোনাইগী বিজেপী এমএলএ আমিনুল হোক লস্কর পোজিতিব ওইবা থেংনখি। মহাক্কী দ্রাইভরসু পোজিতিব ওইবা থেংনখি। বরখোলাগী দাক্তর অমগী মশাদসু লাইচৎ অসিনা পোজিতিব ওইখি লোয়ননা কন্তেক ত্রেসিংদগীসু মীওই খরা পোজিতিব ওইবা থেংনখি হায়না জিলা অসিগী হকশেল লোয়শঙগী মেদিয়া এক্সপার্ত সুমন চৌধুরীনা ফোঙদোকখি। মশাগী চহী ৭৮ রোম শুরবা শিলচর মেদিকেল কোলেজ হোসপিতালগী কোভিদ ৱার্দতা লায়চৎ অসিনা লায়কন্নরম্বনি হায়বা বিমল পাল কৌবা মীওই অমা ঙরাং লৈখিদ্রে। মহাক কোরোনা না মরম ওইরগা শিখিব্রা হায়বগী মতাংদা স্তেত দেথ ওদিত বোর্দকী রিপোর্ত ঙায়রি। Paosing asi YouTube ta yengbiyu


আসামদা কোভিদ ১৯ গী লায়চৎ অসিনা ঙরাং য়ামখ্রবা মীওই ১৩৭১ গী মশাদা পোজিতিব ওইবা থেংনখ্রে। মসিগী মনুংদা মীওই ২৯৫ না কামরূপ মেত্রোদগীনি অদুগা ২২১ না কামরূপত রুরেলদগীনি। মসিগা লোয়ননা আসামদা অপুনবা পোজিতিব ওইখিবা কেস মশিং ৩৪,৯৪৭ শুখ্রে। অমরোমদা ঙরাং য়ামখ্রবা মীওই ১২১৬ ফদুনা হোসপিতালদগী য়ুমদা হনখ্রে। লায়চৎ অসিগী ফরকপগী চাং চাদা ৭৬.২ ওইখি। আসামদা লায়চৎ অসিদগী ফদুনা য়ুমদা হনখিবা মীগী মশিংনা পুন্না ২৬,৬১৮ ওইখি। অদুগা লায়চৎ অসিনা মরম ওইরদুনা লাইয়েং চৎথদুনা লৈরিবা একতিব কেসকী মশিংনা ৮২৩৮ নি। ঙরাং মীওই ২ লায়চৎ অসিনা শিখিবগা লোয়ননা রাজ্য অসিদা শিখিবা মীগী মশিংনা ৮৮ শুখ্রে। ঙরাং লৈখিদবা মীওইশিং অদুদি দুলু রানি সরকার চহী ৭০ অমসুং শ্রী হেমন্ত বোরগোহাই চহী ৫০ নি। মখোয় অনিমক কামরূপ মেত্রো দগীনি। ৱাফমশিং অসি রাজ্যগী হকশেল মন্ত্রী দা হিমন্ত বিশ্ব শর্মানা মহাক্কী টুইটরদা ঙরাং নুমিদাং ফোঙদোকখিবনি। Paosing asi YouTube ta yengbiyu

মনিপুরগী হকশেল লোয়শঙদগী ঙরাং নুমিদাংৱাইরম থোকখিবা চেরোল মতুং ইন্না মীওই ৩১ নৌনা পোজিতিব ওইবা থেংনখি। মসিগা লোয়ননা মনিপুরগী অপুনবা কোভিদ ১৯ গী কেস ২৩১৭ শুখ্রে। অমরোমদা লায়েংদুনা লৈরম্বা মীওই ৫৬ ফদুনা হোসপিতালদগী ময়ুমদা হনখ্রে। ফদুনা য়ুমদা হনখিবা মীগী মশিং পুন্না ১৬১৫ শুরে। অদুগা লাইয়েং চৎথদুনা লৈরিবা একতিব কেসকী মশিংনা ৭০২ নি। মনিপুরগী ওইনা ঙরাং লায়চৎ অসিদগী ফরকপগী চাং চাদা ৬৯.৭০ ওইখি। Paosing asi YouTube ta yengbiyu

ভারতকী হকশেল অমসুং য়াইফ-য়ুম্বাল লোয়শঙগী পাউ মতুং ইন্না ঙরাং ফাওবদা ভারতনা লায়চৎ অসিদগী ফরকপগী চাং চাদা ৬৪.২৪ ওইখ্রে। লায়চৎ অসিনা লায়কন্নরম্বদগী ফরকতুনা ময়ুমদা হনখিবা মীগী মশিং ৯,৫২,৭৪৩ ওইরে। হৌখিবা পুং ২৪ অসিদা লায়চৎ অসিনা লৈবাক অসিদা শিখিবা মীগী মশিং ৬৫৪ ওইখি। মসিগা লোয়ননা লৈবাক অসিদা ঙরাং ফাওবদা লায়চৎ অসিনা লৈখিদবা মীগী মশিং ৩৩,৪২৫ নি। অদুগা লৈবাক অসিগী তোঙান তোঙানবা লায়েংশঙশিংদা লায়েংদুনা লৈরিবা এক্তিব কেসকী মশিংনা ৪,৯৬,৯৮৮ নি।