ঙসি

বরাক তম্পাক্কী খোমজিনবা পাউ - ২২ জুলাই ২০২০


লক্ষীপুরওনলাইন ২২ জুলাই :-
নিপুরী য়ুথস্ ফ্রোন্ত অফ আসাম (মাইফা)না মনিপুরী লোনবু আসাম সরকারগী এসোসিয়েত অফিসিয়েল লোন ওইহন্নবগী লেপতনা চংশিল্লকলিবা খোঙজংগী মখা তারকপা ওইনা ঙরাংসু কছার জিলাগী বরখোলা কন্সতিতুয়েন্সিগী ভৈরবনগর দা পোস্তর কেম্পেইন পাঙথোকখ্রে। থৌরম অদুদা আসাম মনিপুরী মুসলিম যুথ্স ফ্রোন্তকী ফাইনেন্স সেক্রেতরী আহমেদ হুসেন কাজি, মাইফাগী প্রেসিদেন্ত সেরাম হেরাজিৎ, জেনরেল সেক্রেতরী অক্রম লখিকান্ত, সিফাতুর রহমান কাজি, সলিম উদ্দিন চৌধুরী, আবুল কাসিম চৌধুরীনচিংবা মীওইশিংনা শরুক য়াখি। থৌরমগা মরী লৈননা ৱা ঙাংলদুনা অহমদ হুসেন কাজিনা হায়খি আসাম সরকারনা মনিপুরী লোনবু এসোসিয়েত অফিসিয়েল লোন ওইহন্নবগী হোৎনবদা ঐখোয় মীতৈ পাঙল ইচিন ইনাউ শিংনসু থৱাই য়াওনা শৌগচরি হায়বা ৱাফম ফোঙদোক্লদুনা মাইফানা চঙশিল্লকলিবা খোঙজং খুদিংমক্তা মপুং ফানা শৌগৎকনি হায়খি।
মাইফাগী প্রেসিদেন্ত সেরাম হেরাজিৎনা হায়খিবদা ঐখোয় আসামদা ধর্ম মান্নদ্রবসু ইমালোন মান্নরিবা ঈগী মরী লৈনরীবা ইচিন ইনাউ ঙাক্তনি, ঐখোয় অমত্তা ওইনা ইমালোনগী খোঙজং অসিদা চঙশিনমিন্নসি হায়খি। শরুক য়াখিবা মীয়ামনসু থৱাই হকচাং য়াওনা শৌগৎকনি হায়বগী ৱাফম পীনখি। থৌরমদা মাইফাগী অনিত সিংহ, রোবিন শর্মা শ্যামন্ত সিংহ নচিংবা মীওইশিংসু শরুক য়াখি। (Pao Asi YouTube ta yengbiyu)



লক্ষীপুরওনলাইন ২২ জুলাই :- চহীসিগী ঐইচএসএলসি পরিক্ষাদা চাদা ৭৫ নত্রগা মসিদগী হেন্না ফংদুনা মায়পাকলকখ্রবা মহৈরোইশিংদা মনা্ মথুম পীদুনা পুক্নিং থৌগৎপা থৌরম পরেংগী মখা চৎথরকপা ওইনা ঙরাংসু সোনাই কন্সতিতিউয়েন্সিনা কোনবা মফমসিংগী মনিপুরী মেদিয়ামগী মহৈরোই মরিদা গুদৱিল ফাউন্দেসননা মনামথুম পীদুনা হরাও তয়াম্বা ফোঙদোকখ্রে। কাছার জিলাদা বেজ তৌবা এনজিও অসিনা কোভিদ মতমসিগী চৎনপথাপ ঙাকপগা লোয়ননা মহৈরোইশিংগী য়ুম য়ুমদা চৎতুনা মনা মথুম অদু খুৎশিন্নখি। সোনাই কন্সতিতিউয়েন্সিনা কোনবা মফমদগী খনগৎলবা মহৈরোইশিং অদুদি টিঐইচ রোসন লমারগ্রাম, এ রোহন বেরাকাক, কে প্রিয়ারানি দেবী ঝরাগুল, অদুগা সিঐইচ সোনিয়া থেংনাপারদগীনি। ওর্গেনাইজেসন অসিগী মাইগৈদগী মখোয়দা খুৎশিন্নখিবদা লুপা লিশিং ১ গা লোয়ননা মহৈরোই অমগী তঙাইফদনা চংবা পোৎলমশিংসু য়াওখি। মনামথুম য়েন্থোকপগী খোঙচৎ অসিদা গুদৱিল ফাউন্দেসনগী এদভাইজর নোংথোম্বম ধীরেন অমসুং কে করুনা মুর্তী মীশ্রা, প্রেসিদেন্ত এম বিদ্যামনি, জেনরেল সেক্ত্রেতরী খোমদ্রাম রাজকুমার অমসুং ফাইনেন্স সেক্রেতরী প্রীয়বর্তা সিংহ শরুক য়াখি। (Pao Asi YouTube ta yengbiyu)