কোরোনাভাইরাসকী মতাংদা খঙজিনবা য়াবা ৱাফম খরা | চেকশিলহৌবা তায় অদুবু পাখৎনিঙাইদি ওইদে।
কোরোনাভাইরাসকী মতাংদা খঙজিনবা য়াবা ৱাফম খরা
চেকশিলহৌবা তায় অদুবু পাখৎনিঙাইদি ওইদে।
কোভিদ-১৯ অসি লৌনগল্লি, হকথেংননা নত্রগা নাকোয়ননা মী অমদগী মী অমদা য়াম্না লায়না শন্দোকপা ঙম্মী।
- লায়চৎ অসি শন্দোকপদা নাতোন, খৌনাও অমসুং থবোম্বীগা য়াম্না মরী লৈনৈ।
- লায়চৎ অসি ইহান হান্না চাইনাগী ৱুহানদা ২০১৯ গী দিসেম্বরদা শন্দোকপা হৌরকখি।
কোরোনাভাইরাসনা শিহনবগী চাং -
- লাইচৎ অসি য়াংনা শন্দোকই অদুবু শিহনবগী চাংদি নেম্মী।
- লায়না অসিনা শিবগী চাং চাদা ২ দগী ৩ ফাওবনি। ২০০৩ গী মতমদা সার্স (সিভিয়ার একিউত রেসপিরেতরি সিন্দ্রোম) না শিহনবগী চাং চাদা ১০ নি অদুগা ২০১২ গী মতমদা মার্স (মিদল ইস্ট রেস্পিরেতরি সিন্দ্রোম) না শিহনখিবগী চাংনা চাদা ৩৫ ওইখি।
- মশাগী চহী ৬০ হেল্লবা হান্নদগী অনাবা লৈবা মীওইশিংদা হেন্না থোক্কল্লি।
অসুক য়াম্না পাখৎনরিবসিগী মরম করিনো ?
- লায়না অসিগী মরমদা মরীক চুম্না খঙদোকপা ঙমদবা অমসুং সোসিয়েল মেদিয়াগী খুৎথাংদা তোকঙা শন্দোকপনা মরম ওইরগা মালেমগী মীওই অয়াম্বনা পাখৎনবগী মরম ওইগনি।
- ইনৌ নৌনা থোক্লকপা লায়না লায়চৎ অসিনা মীওইবদা কদায় য়ৌনা শোকহলক্কদগে হায়বগী তাংদাংবা পাউখুমসু পীবা ঙমদ্রিবা অমসুং মসিগী তীকা পুথোকপা ঙমদ্রি।
লায়না অসিনা নারবশিং অশিবগী খয়াত্তা তারগদ্রা ?
- লায়না অসিনা নারবা মীওইশিংগী চাদা ৮০ দি লায়না অসিগী লাইওং উৎলম্লবসু লায়েঙশঙদা লৌখৎফম থোকপা লায়েঙ পথাপ লৌখৎলবা তুংদা চয়োল ২ গী মনুংদা ফগৎলকই।
- মতম চানা লায়েংহৌবশিং লায়না অসিদগী ঙাকথোকপা ঙম্মী।
- দব্লিউ.ঐইচ.ও. গী রিপোর্ত মতুং ইন্না মার্চকী তাং ২২ ফাওবদা মালেমগী ওইনা লায়না অসিনা পোজিতিব ওইরবা মীওই ২,৬৭,০১৩ নি অদুগা শিবগী মশিংনা ১১,২০১ নি ।
- ভারতকী হকশেল লোয়শঙগী রিপোর্ত মতুং ইন্না মার্চকী তাং ২২ ফাওবদা ভারত্তা লায়না অসিনা নাবগী মশিং ৩৪১ শুরে। ৫ শিরে।
অঙাংশিংদা কোরোনাভাইরাসনা নাহনব্রা ?
- কোভিদ-১৯ অসিনা অঙাংশিংদা য়াম্না পাকশন্না নাহনবগী পাউ লৈতে। অদুম ওইনমক অঙাংশিংদা লায়না অসিনা চাদা ৩ গী চাংদা নাহল্লি।
কোরোনাভাইরাস করম্না শন্দোকপগে ?
- লায়না অসিনা নারবা মীওই অমনা অতোপ্পা মশা মঊ ফবা মীওই অমদসু য়াম্না লায়না শন্দোকপা ঙম্মী।
- লায়না অসিনা নারবা মীওইশিংগী মীৎ, নাতোন, চীনদগী মহী মনাই ওইনা নত্রগা লোক খুবা নত্রগা মনপ মতীলদগী শন্দোকহল্লি।
চীনজাকতা কোরোনাভাইরাস শন্দোকপা ঙম্ব্রা ?
- থীজিল্লোয়শিংনা হৌজিক ফাওবগী ওইনা চীনজাকতা কোরোনাভাইরাস শন্দোকপগী প্রমাণ ফংদে।
য়েন নত্রগা য়েরুমদা লায়না অসি শন্দোকপ্রা ?
- হৌজিক্কী ওইনদি থীজিল্লোয়শিংনা য়েন নত্রগা য়েরুমদা লায়না অসি শন্দোকপগী পাউ লৈতে। অদুম ওইনমক অখঙ অহৈশিংগী মতুং ইন্না মুন্না ফুৎতোক্লবা শা-ঙা চানবা চানবা পাউতাক পীরি।
অরুম লাইহৌ, লোক খুবা অমসুং নাতোন মহী তাবগী লাইওং উৎলকপা খুদিংমক কোরোনাভাইরাসনা নারে হায়না চীংনফম থোকপ্রা ?
- লাইওং অসি লায়না অসিনা শোকহল্লবা লৈবাকশিংদগী হল্লকপা মীওইশিংদা উৎলক্লবা।
- লাইওং অসি লায়না অসিনা নারবা মীওইশিংদা তোৎন তীন্নরুবা মতুংদা উৎলক্লবা।
- লাইওং অসি লায়ন অসিবু লায়েংলিবা লায়েংশঙশিংদা চঙলুবা মতুংদা উৎলক্লবদি লায়না অসিনা নারে হায়বগী চীংননিঙাই ওইগনি।
মপুঙ ওইনা করি করি লাইওং উৎলকপা য়াই ?
- ভাইরাস অসিনা চঙখ্রবা মতুংদা লোক খুবা, অরুম লাইহৌ, নিউমোনিয়া, শ্বর চীনবগী লাইওং উৎলকপা য়াই। অদুগা করি করিগুম্বা মতমদা ওবা অমসুং ডাইরিয়া ওইরকপসু য়াই।
- চুম্নতগী লোক লাইহৌ তৌবগা লোয়ননা নুমিৎ নিনি দগীনা ১৪ নিগী মনুংদা হেন্না কনবা মওংদা লাইওং অসি উৎথোক্লকপা য়াই।
ইশাবু ইশানা চেকশিনজগদবশিং-
- মীয়াম তীনবা। মফমদা য়ারিবমখৈ চঙলোইদবনি।
- লোক লায়হৌ তৌবা মীওইশিংগী মনাকতা চঙলোইদবনি।
- লোক খুবা মতমদা রুমাল নত্রগা টিসু পেপার শিজিন্নবিগনি।
- শিজিন্নখিবা টিসু রুমাল/টিসু পেপার মফম চানা ডাসবিনদা লংথোকপিগনি।
- অরুম, লোক খুবা অমসুং শ্বর চীনবগী মওং লাক্লবদি দাক্তরশিংগা তানবিগদবনি।
- ঈশিং মনিল ২/৩ লক চীংশিন্দুনা নাতোন ফুনবা ফহন্নবা হোৎনগদবনি।
- ঈশিং মরাং কায়না থকতুনা, নিংথিনা পোৎথাদুনা লৈগনি।
- মখা তানা শন্দোকখিদনবা সাবাননা খুৎশা তোয়না হাম্লবা মতুংদা অলকোহোল য়াওবা সেনিটাইজর শিজিন্নগনি।
- ফগৎলকপা উদ্রবদি দোক্তরশিংগা তান্নদুনা মখা তাবা লায়েং পথাপ চৎথগনি।
কোরোনাভাইরাসকা মরী লৈনবা অকুপ্পা মরোল কদায়দা ফংগনি।
- কোরোনাভাইরাসকা মরী লৈনবা লাইওং অমসুং অকুপ্পা মরোলগী দমক পুং ২৪ হাংদুনা লৈরবা মিনিস্ট্রি অফ হেল্ঠ এন্দ ফেমিলি ৱেলফেয়ারগী কন্ট্রোল রুম নম্বর ০১১-২৩৯৭৮০৪৬ পাউ ফাওননবা হায়রি।
- নভেল কোরোনা ভাইরাসকী মতাংদা মখা তানা খঙনবগী ভারত সরকারগী হেল্ঠ এন্দ ফেমিলি ৱেলফেয়ারগী ➤ ৱেবসাইট অসিদা চঙদুনা অকুপ্পা মরোল খঙবা য়াগনি।
