লামারগ্রামদা ৱার্লদ্ মীতৈ কনভেন্সন ২০২০ হৌদোকখ্রে।
এ.পি.এস.সি গী পরিক্ষাদা মনিপুরী য়াওহন্নবা আসামগী সিএম গা ৱারী শান্নরেঃ এন বীরেন সিংহ
কাছার জিলাগী সোনাই বিধানসভা কেন্দ্রগী মনুং চন্না লৈবা কাঝিধরগী লামারগ্রাম খুঙ্গংদা মার্চকী তাং ৪, ২০২০ য়ুমশাকৈশা নুমিত্তা ৱার্লদ্ মীতৈ কনভেন্সন ২০২০ হৌদোকখ্রে। মণিপুরগী চীফ মিনিস্টর এন বীরেন সিংহনা থৌরম অসি হৌদোকখি। মার্চকী তাং ৪ অমসুং ৫ নুমিৎ নিনি চুপ্না পাঙথোক্কদবা থৌরম অসি পান মীতৈ কনভেন্সন অমসুং আসাম মণিপুরী প্রোগ্রেসীভ ফ্রোন্ট অনিনা খুৎশম্নদুনা শিল্লাংবনি। থৌরমগা মরী লৈননা ৱা ঙাংলদুনা চীফ মিনিস্টর এন বীরেন সিংহনা হায়খি, আসাম পাব্লিক সার্বিস কমিসন (এ.পি.এস.সি.) না লৌবা পরিক্ষাদা আসামিস, বেঙ্গলি অমসুং বোড়ো লোনগা লোয়ননা মণিপুরী সু হাপচীন্নবগী মতাংদা আসামগী চীফ মিনিস্টর সর্বানন্দ সোনোৱালগা ৱারী শান্নরে। লমদম অসিগী মণিপুরীশিংনা মণিপুরদা লাকপদা মণিপুর সরকারনা ইনর লাইন পার্মিত সিস্টেম (আই.এল.পি.) গী মতাংদা চৎন পথাপ খরা কোমথোক্কনি। কাছারদা অথুবা মতমদা মণিপুরী গেস্ট হাউস অমা শারগনি লোয়ননা মণিপুরদা লাকপদা লৈবা য়ানবা ইম্ফালদসু গেস্ট হাউস অমা শারগনি।
ৱার্লদ মীতৈ কনভেন্সনগী ৱার্কিং চেয়ারমেন এল তেজমণি সিংহনা মীয়াম্বু তরাম্না ওকপগী ৱারোল পীখি। ৱার্লদ মীতৈ কনভেন্সনগী এদভাইজর এল মংলেম্বা সিংহনা কি-নোট এদ্রেস পীখি। ওর্গেনাইজিং কমিতিগী চেয়ারমেন হৈগ্রুজম নবশ্যাম না প্রেসাইদ তৌখিবা নুমিৎসিগী থৌরমদা মণিপুরগী দেপুতি স্পিকর কে রোবিন্দ্রো, এমএলএ কে মেঘচন্দ্র, এমএলএ এল সুসিন্দ্র, মণিপুর ফুদ ইন্দাস্ট্রিজ কোর্পোরেসন লিমিতেদকী ভিসি কে সরত, সোসিয়েল এক্টিভিস্ট এদভোকেত রীনা দেবী, প্রোঃ মুতুম বাবাতোন সিংহ, কাছারগী দিসি বর্ণালি শর্মা, শিলচরগী এক্স এমপি কেন্দ্রগী মন্ত্রী ওইরম্বা কবীন্দ্র পুরকাস্থ নচিংবা মরুওইবা মীওই কয়ানা শরুক য়াখি।
----------------------------------------------------
Get latest News Updates Please Download Lakhipuronline Android app CLICK HERE
To Subscribe Lakhipuronline YouTube Channel CLICK HERE
