কোরোনাভাইরাসকী অরানবা পাউ শন্দোকপগী বাংলাদেসতা ফেসবুক একাউন্ত কয়ামরুম থীংজিনখ্রে, ভারত্তসু ওইরকপা য়াই।

কোরোনাভাইরাসকী অরানবা পাউ শন্দোকপগী বাংলাদেসতা ফেসবুক একাউন্ত কয়ামরুম থীংজিনখ্রে, ভারত্তসু ওইরকপা য়াই।

কোভিদ-১৯ লায়চৎনা মালেমদা মীপায়নরিঙৈ চৈরকসিদা সোসিয়েল মেদিয়াদা কোরোনাভাইরাসকী মরমদা ইপাউ থাদোক থাজিন তৌনরি। মসিগী মনুংদা মীয়ামবু লান্না লমজিংবা ই-পাউ কয়ামরুম য়াওরি। অদুম ওইনমক করম্বনা অচুম্বনো অদুগা করম্বনো অরানবনো হায়বদু মীচম অমনা খন্দোকপদা অৱাবা অমা মায়োক্নরি। কোরোনাগী মতাংদা তোকঙা শন্দোকপা অমসুং সরকারগী মায়োক্তা অরানবা পাউ শন্দোকপগী মরালদা বাংলাদেশকী ফেসবুক আইদি অমসুং ফেসবুক পেজ কয়ামরুম বাংলাদেশ সরকারনা থীংজিনখ্রে। করক করম্বা ফেসবুক আইদি অমসুং ফেসবুক পেজশিং অরান্বা পাউ শন্দোকলি হায়বা মখা তানা থীজিনবা লেপত্রি হায়রি। 

সোসিয়েল মেদিয়া শিজিন্নরিবা মীওই খরসু হায়রিবা অরানবা পাউশিং অদুবু অচুম্বনি হায়না খন্দুনা শন্দোকলি হায়না সাইবর পেত্রোলিং তৌরিবা কাংবুনা ফোঙদোকলি। ফেসবুক আই দি ৫০ গী মথক্তা থীংজিনখ্রে অদুগা মসিগা মরী লৈননা মীওই ২০ রোম ফাজিনখ্রে। হীরম অসিগী মতাংদা ভারত্তসু কোরোনাভাইরাসকা মরী লৈনবা ইপাউ কয়ামরুম সোসিয়েল মেদিয়াগী খুৎথাংদা অরানবা পাউ শন্দোকলি, সেয়ার তৌনরি। 
হৌজিক ফাওবগী ওইনদি ভারত্তা অফা অপুন অমসুং একাউন্ত থীংজিনবগী পাউ লৈতে। অসোমদা মনিপুরীনা তাবা মফমশিংদা কোরোনাভাইরাসকা মরী লৈননা অরানবা থাজনবী ৱাফম কয়ামরুম য়াম্না তোয়না তাবা ফংলি। 
নুপা অমত্তা পোকপা য়ুমকোক ৭ তগী ঈশিং লৌরগা থক্লবদি ভাইরাস অসিনা নারোই হায়বনা চীংবা অরানবা থাজনবী কয়া য়াম্না তোয়না সোসিয়েল মেদিয়াশিংদা ঐখোয়না থেংনরি। খ্বাইদগী ফবদি কোরোনাভাইরাসকা মরী লৈনবা ইপাউ সরকারগী ইপাউ লোয়শঙদগী তাবা অমসুং চীংনরবদি মরী লৈনবা দোক্তরশিংগা তঙাইফদনা তানবিগদবনি।
কোরোনাগী পাউ শন্দোকপগী পরিংদা অমিতাবকী মিংসু য়াওরি। হন্দকতা মালেমদা মমিং লৈরবা বোলিউদ সুপারস্তার অসিনা হয়িংনসু কোরোনা মহীক শন্দোকপা ঙম্মি হায়বা চাইনিজ এক্সপার্তকী ৱাফম অমা সোসিয়েল মেদিয়াদা সেয়ার তৌরুবগী মহাক্কী ৱাফম অসিদা ট্রোল তৌনবা লেপত্রি। লায়না অসিনা নারবা মীওই অমগী অমাংবদা ভাইরাস অসিনা চয়োল অমারোম হিংদুনা লৈবা ঙম্মী। অমসুং হয়িংনা অসিবু চান থক্নবা পোৎলমশিংদা শন্দোরকপা য়াবগী মতাংদনি। অদুম ওইনমক ৱাফম অদু কায়নথংদদি হেল্ঠ মিনিস্ট্রিনা অরানবা ৱাফমনি হায়খি। 
------------------------------------------------------
Pao sing asi ga loinana atei e-pao gi damak

Lakhipuronline android app install toubiyu CLICK HERE