ঙসি

LAKHIPUR ইজুকেসন ব্লোককী মখাদা চৎথখিবা NISHTHA ট্রেনিং প্রোগ্রাম চীঙ লেম্না লোয়শিনখ্রে।

LAKHIPUR ইজুকেসন ব্লোককী মখাদা চৎথখিবা NISHTHA ট্রেনিং প্রোগ্রাম

LAKHIPUR ইজুকেসন ব্লোককী মখাদা চৎথখিবা NISHTHA ট্রেনিং প্রোগ্রাম চীঙ লেম্না লোয়শিনখ্রে।

LAKHIPUR ইজুকেসন ব্লোককী মখাদা চৎথরকখিবা নেসনেল ইনিসিয়েতিব অফ স্কুল হেদস্ এন্দ টিচর্স হোলিস্তিক এদভান্সমেন্ট (NISHTHA) ট্রেনিং প্রোগ্রাম জনুৱারী ৬, ২০২০ দা  চীঙ লেম্না লোয়শিনখ্রে। পুন্না ওজা ১৪০০ রোমনা শরুক য়াখিবা ট্রেনিং প্রোগ্রাম অসি হৌখিবা দিসেম্বরগী তাং ২৬ তা বিইইও (ইনচার্জ) মনিশ দাস না থৌরম হৌদোকখি। NISHTHA ট্রেনিং প্রোগ্রাম অসি LAKHIPUR ইজুকেসন ব্লোক্কী মনুং চনবদা লালাং মণিপুরী হায়স্কুল, জগাই মথুরা এমই স্কুল অমসুং  ৯২৪ নং খুঞ্জাবস্তি এলপি দা তাংকক নাইনা পাঙথোকখি।

লালাং মণিপুরী হায়স্কুলদা পাঙথোকখিবা অরোয়বা নুমিৎকী থৌরমদা ৱা ঙাংলদুনা LAKHIPUR ইজুকেসন ব্লোককী বিইইও লালুম্পুই টুলোর না ওজা খুদিংমক্না মখোয় মখোয়গী স্কুলশিংদা চৎলগা মহৈরোইশিংদা তম্বী তাকপীবদা মতেঙ ওইগদবা এক্টিভিটিশিং হন্দক্কী NISHTHA ট্রেনিং অসিদা তম্বগী খুদোং চাবা ফংখি হায়না ফোঙদোকখি। চৎথখিবা ট্রেনিং প্রোগ্রাম অসিদা স্কুল ইন্সপেক্টর (এসআই) জ্ঞানেন্দ্র সিংহ না য়াম্না চাওনা মতেঙ পাঙখি। থৌরমদা শরুক য়ারখিবা দিস্ট্রিক্ট ইলিমেন্টরি ইজুকেস ওফিসার (দিইইও) সুস্মিতা দেবনা ওজাশিংদা পুক্নিং থৌগৎনিঙাই ওইরবা মোতিভেসনেল স্পীচ কয়া তাহনখি।

নুমিৎ ৪২ নি চুপ্না চৎথরকখিবা NISHTHA ট্রেনিং প্রোগ্রাম অসিদা কে. করুণা মূর্ত্তি মীশ্র, শ্য়ামাপ্রসাদ কাণু, অলমগীর কবীর লস্কর, দেবজিৎ আচার্য, মনোজ কান্তি দাস নচিংবা  কী রিসোর্স পার্সন (কেআরপি) শিংনা এআইএল, কারিকুলাম, এলসিপি, আইসিটি, এলও নচিংবা মোদ্যুল ১২ য়াওবা হীরমশিং এক্টিভিতিগা লোয়ননা য়াম্না মরীক চুম্না নৈনবিখি। বেটচ্ মঙানা লেপ্তনা পরিং নাইনা চৎথরকখিবা LAKHIPUR NISHTHA ট্রেনিং প্রোগ্রাম অসিগী তরুকনি শুবা হায়বদি অরোইবা নুমিৎতা বেটচ্ অমমমগী ভেলিদিক্সনগী থৌরম পাঙথোকই। থৌরমদা তোঙান তোঙানবা স্কুলশিংদগী লাকপা ওজাশিংগা লোয়ননা কেআরপি শিংনসু জগোই, ঈশৈ, ফাগী, শৈরেং থীবনা চীংবনা উৎখি।

----------------------------------------------------
Get latest News Updates Please Download Lakhipuronline Android app CLICK HERE
To Subscribe Lakhipuronline YouTube Channel CLICK HERE