পীক্লিবা অঙাংশিংগী Aadhaar Card করম্না এপ্লাই তৌগনি, করি মথৌ তাগনি।

Aadhaar Card করম্না এপ্লাই তৌগনি

পীক্লিবা অঙাংশিংগী Aadhaar Card করম্না এপ্লাই তৌগনি, করি মথৌ তাগনি।

হৌজিক্কী মতমদা ঐখোয় খুদিংমক্কী ওইনা Aadhaar Card অসি চঙদবা য়াদ্রে। পীক্লিবা অঙাংদগী হৌরগা খুদিংমক্না Aadhaar Cardকী দমক এপ্লাই তৌবা য়াই। ইউনিক্ আইদেন্তিফিকেসন অথোরিতি অফ ইন্দিয়ানা পীবা মশিং ১২ য়াওবা ইউনিক্ নম্বর অমগা লোয়ননা Aadhaar Card ফংগনি। অঙাং অহল খুদিংক্কী ওইনা চপ মান্নবা মওংগী আধার কার্দ ফংগনি। অদুম ওইনমক চহি মঙাগী মখাদা লৈবা অঙাংশিংগী দমক্তদি মখোয়দগী বাইওমেত্রিক কেপচর তৌরোই। হায়বদি চহি মঙাগী মখাদা লৈবা অঙাংশিংদগীদি Aadhaar Cardকী দমক মখোয়দগী মীৎ অমসুং খুৎমচা তরাগী ময়ি রেকোর্দ তৌরোই। মমা মপাগী ইউআইদি রিফরেন্স তৌরগা অঙাংশিংগী Aadhaar Card ইসু তৌগনি। অঙাং অদুনা চহী ৫ নত্রগা চহী ১৫ মপুঙ ফারকপা মতমদা অমুক হন্না মহাক্কী লৈফম, ফোতো, মীৎ অমসুং খুৎমচা ময়ি আপদেত তৌবা ওইনা বাইওমেত্রিক পীবা তাগনি। অঙাংগী বার্থ সার্তিফিকেত অমসুং মমা মপাগী আধার কার্দ চংগনি।

অঙাংশিংগী Aadhaar Card এপ্লাই তৌবগী করি তৌগনিঃ-

  • মনাক নকপদা লৈবা আধার সেন্টরদা চৎকদবনি। 
  • অঙাং অদুগী বার্থ সার্তিফিকেত পুরগা মমা-মপা নত্রগা গার্জিয়ান অমগা চৎকদবনি। 
  • চহি ৫ মখাগী অঙাংগীদি বাইওমেত্রিক লৌরোই। 
  • অঙাংগী আধারগা মহাক্কী মমা মপাগী আধারগা লিঙ্ক তৌগনি।

করি করি দোকুমেন্ত মথৌ তাগনিঃ-

  • অঙাংগী বার্থ সার্তিফিকেত নত্রগা স্কুলনা ইসু তৌবা আইদি কার্দ। 
  • মপা নত্রগা মমাগী Aadhaar Card অমসুং এদ্রেস/আইদি প্রুফ।  

অঙাংশিংগী Aadhaar Cardকী দমক ওনলাইনদা বুক তৌবা য়াই। মসিগী দমক ইউআইদিএআই গী ৱেবসাইততা চঙলগা আধার কার্দ রেজিস্ট্রেসনদা ক্লীক তৌগনি। মেনফম থোকপা মমা মপাগী অমসুং অঙাংগী মেনগদবশিং মেনশিল্লবা মতুংদা এপোইন্টমেন্ট ফিক্স তৌবগী বতন অদুদা ক্লীক তৌগনি। অদুম ওইনমক আধার সেন্টরদা চৎপা মতমদা রিফারেন্স নম্বর গা লোয়ননা চঙগদবা দোকুমেন্টশিং পুবা কাউরোইদবনি।
----------------------------------------------------
Get latest News Updates Please Download Lakhipuronline Android app CLICK HERE
To Subscribe Lakhipuronline YouTube Channel CLICK HERE