ঙসি

লুহোংবা মতমদা নুপীশিংনা সনা তুলা অমা (গ্রাম ১০) ফংলগনি | অরুন্ধতি গোল্ড স্কিম

লুহোংবদা তঙাইফদনা রেজিস্ট্রেসন তৌহন্নবা অমসুং অঙাংওইনা লুহোংবা থীংনবগী পান্দম ওইনা আসাম সরকারনা অরুন্ধতি গোল্ড স্কিম হৌদোকলে। স্কিম অসিগী মখাদা  লুহোংবা মতমদা নুপীশিংনা সনা তুলা অমা (গ্রাম ১০) ফংলগনি। হন্দক জনুৱারীগী তাং ১, ২০২০ দগী হৌরগা স্কিম অসি চৎনবা হৌখ্রে। অদুবু ওনলাইনদা এপ্লাই তৌবগীদমকতি জানুৱারীগী তাং ২০ ফাওবা ঙাইবা তারি। অরুন্ধতি গোল্ড স্কিম অসিদা স্পিসিয়েল মেরেজ এক্ট ১৯৫৪কী মতুং ইন্না লুহোংবগী রেজিস্ট্রেসন অমসুং ভেরিফিকেসন লোয়রবা মতুংদা নুপী অদুগী বেঙ্ক একাউন্তা সনা লৈনবগী লুপা লিশিং ৩৮ হাপচিল্লক্কনি হায়রি। সনা লৈবগী চেনিঙ (বিল) উৎপা মথৌ তাগনি, সনা লৈবা নত্তনা অতৈ অতোপ্পা পোৎ চৈ লৈবদা শেনফম অদু শিজিন্নবা য়ারোইদৌরি।
ইমুং মনুংগী চহীগী ইনকাম লুপা লাখ ৫ গী মখাদা লৈবা মীওইশিংনা হায়রিবা স্কিম অসিগী কান্নবা ফংগনি। লুহোংগদৌরিবা নুপানা মশাগী চহী ২১ অদুগা নুপীনা চহী ১৮ শুরবা মীওই ওইগদবনি। আধার কার্দ, এদ্রেস প্রূফ নচিংবা চেচাং চংগনি। বর কন্যা অনিমক হায়স্কুলদা ক্লাস তেন পাস তৌরবা ওইগদবনি। অদুবু আদিবাসী অমসুং চাবাগানগী নুপীশিংদা হায়রিবা মহৈগী থাক অসি কোমথোক্কনি। অহানবা লুহোংবদখক্তদা স্কিম অসিগী কান্নবা ফংগনি। থৌরাং অসিগী দমক রাজ্য সরকারনা চহী খুদিংগী ওইনা লুপা কোতি ৮০০ রোম খরচ তৌবগী ৱাফম শেলথুমগী মন্ত্রী হিমন্ত বিশ্ব শর্মানা ফোঙদোকখি।
youtube তা য়েংবিউ >>> লুহোংবদা সনা তোলা অমা ফংবগী গোল্ড স্কিম
-----------------------------------------------------------
Get latest News Updates Please Download our Android app  CLICK HERE
To Subscribe our YouTube Channel CLICK HERE 
------------------------------------------------------------