![](https://blogger.googleusercontent.com/img/b/R29vZ2xl/AVvXsEgybVyahND1ayVijCsn5DWbOG5uJa3t5pf9GBHoBxVTYN5xgQwiSp3moVZeK3jpHeAd6pZzFV1Z7doHWHRpWESCB2QqK8e-hQR7sZLCIHZCt8KoSlpg7XzXEPbyWz89PAKs0zdAYXDgRg4/s640/83302512_149751716476992_3547517826854027264_n.jpg) |
|
শিলচর, ২৬, ২০২০ইং - লৈবাক অসিনা ঙসি ৭১শুবা রিপাব্লিক দে পালন তৌখি। নুমিৎসিগা মরি লৈননা দিল্লিগী রাজপথতা ঙসিগী মরুওইবা থৌরম কয়ামরুম পাঙথোকখি। রাস্ত্রপতি রামনাথ কোবিন্দ না জাতিগী মচু অহুমগী ফিরাল পাইহনখিবগা লোয়ননা পেরেদকী সলামী ওকখি। ব্রাজিলগী রাস্ত্রপতি জায়রমেসিয়াস বোলসোনারোনা অথোইবা অতিথি ওইনা শরুক য়ারখি। প্রধান মন্ত্রী নরেন্দ্র মোদিনা ঙসি অমর জৱান জ্যোতিগী মহুৎতা নেসনেল ৱার মেমোরিয়েলগী সহিদশিংগী মফমদা ইকায় খুম্নবা উৎতুনা নুমিৎসিগী থৌরম হৌদোকখি। লৈবাক্কী মফম মফমদা পাঙথোক্নখিবগুম ঙসি বরাক তম্পাক্কী জিলা অহুমদা ৭১শুবা রিপাব্লিক দে পাঙথোকখি। শিলচরগী পেরেদ গ্রাউন্দদা রাজ্যগী উমং লোয়শঙ মন্ত্রী পরিমোল শুক্লবৈদ্যনা জাতিগী ফিরাল পাইহনখি। থৌরমদা কাছার জিলাগী দিসি বর্ণালি শর্মা, পুলিস সুপার মানবেন্দ্র দেবরায়, হান্নগী কেন্দ্র মন্ত্রী কবীন্দ্র পুরকায়স্থ, বিধান সভাগী দেপুতি স্পীকর আমিনুল হোক লস্কর, এমএলএ দিলীপ পাল, কিশোর নাথ নচিংবা মীওই কয়ানা শরুক য়াখি। করিমগঞ্জ জিলাদা দিসি আনবামুথন না করিমগঞ্জ গোভ হায়ার সেকেন্দরী স্কুলগী লম্পাকতা পাঙথোকখিবা থৌরমদা জাতিগী ফিরাল চীংখৎখি। আসাম পুলিস, ১৫ আই আর ব্যাটালিয়ান, স্কাউত এন্দ গাইদ, হোম গার্দ অমসুংমহৈরোই নচিংবা য়াওনা গ্রপ ২০ না শরুক য়াখি। থৌরমগী মনুং চন্না হাইলাকান্দি জিলাদসু ৭১শুবা রিপাব্লিক দে পালন তৌখি। নেতাজি সুভাষ চন্দ্র বসু স্তেদিয়াম দিসি কীর্ত্তি জোলিনা জাতিগী মচু অহুমগী ফিরাল পাইহনখি।