Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   # সাফ গেমসকী নুপীগী ফেন্সিংদা কাছার লখিপুরদগী থৌদাম কবিতা দেবী না সনাগী তকমান অনি লৌরকলে। # সিতিজেনসিপ এমেন্দমেন্ট বিল ২০১৯ ঙরাং লোকসভাদা পাস তৌখ্রে। # মনিপুরদা ইন্নর লাইন পার্মিট সিস্টেম চৎনরগনি হায়না কেন্দ্রগী হোম মিনিস্টর অমিত সাহনা লাউথোকখ্রে। # আসামগী ঐইচ.এস.এল.সি. রুতিন থোকখ্রে ফেব্রুৱারীগী ১০দগী ২৯ ফাওবা পরিক্ষা ওইরগনি। #

December 02, 2019

অয়াবা পীদবা কোর্স ২১ গৌহাতি ইউনিভার্সিতিদা তম্বিরমলেঃ কেগ


কমট্রোলর এন্দ অদিটর জেনরেল (কেগ)কী রিপোর্ত মতুং ইন্না গৌহাতি ইউনিভার্সিতিগী মখাদা এপ্রুভ ওইদবা কোর্স ২১ মহৈরোইশিংদা তম্বিরমলে হায়রি। হায়রিবা অন-এপ্রুভ প্রোগ্রামশিং অসিদা মহৈরোই ৭৪০০০ এদমিসন লৌখিবগা লোয়ননা লুপা কোতি ৩৯ মহৈরোইশিং অসিদগী লৌখৎখি হায়না অসম বিধানসভাগী চৎথরিবা নিংথম মীফম অসিদা রিপোর্ত তৌখ্রে। ইউনিভার্সিতি অসিনা চহি ৭ চুপ্না মহৈরোইশিংদা অয়াবা পিদবা কোর্সশিং দিস্টেন্স লার্নিংগী মখাদা তম্বি তাকপিখি।
অৱাং নোংপোকতা খ্বাইদগী লিরবা মমিং লৈরবা গৌহাতি ইউনিভার্সিতিনা ইউজিসিদা ফেক্ এফিদেফিত পীদুনা হায়রিবা এপ্রুভ ওইদবা কোর্সশিংসি তম্বিখিবনি হায়না কেগকী রিপোর্ততা পল্লি।


কেগকী রিপোর্ত অসিগী মতুং ইন্না ইউনিভার্সিতি অসিগী মখাদা ইউজিসিনা সুপ্নতগী দিস্টেন্স লার্নিং কোর্স ৮ খক্তমক তম্বী-তাকপীবগী অয়াবা পীবনি হায়রি। হৌখিবা ২০১১গী আগস্ট থাদা দিস্টেন্স ইদুকেসন কাউন্সিলগী এপ্রুভেল লৌদুনা ইন্দিরা গান্ধী অপেন ইউনিভার্সিতি (ইগনৌ) না গৌহাতি ইউনিভার্সিগী ইন্সিটিটিউত অফ দিস্টেন্স এন্দ অপেন লার্নিং (আইদোল)গী অয়াবা ফংখিবনি। মতম অদুদা দিস্টেন্স লার্নিংগী মোদুলদা গৌহাতি ইউনিভার্সিনা সুপ্নতগী কোর্স নিপান খক্ত তম্বীবগী এপ্রুভেল পীখি। কোর্স নিপানসি নত্তনা অতৈ অতোপ্পা কোর্সশিং গৌহাতি ইউনিভার্সিগী ইন্সটিটিউত অফ দিস্টেন্স এন্দ অপেন লার্নিং অসিদা এদমিসন তৌবগী অয়াবা পীদে। এপ্রুভেল অদু ইউজিসি না ২০১৩-১৪ দগী ২০১৭-১৮ ফাওবা চহী মঙা খক্কা অমুক শাংদোকহনখিবনি।

কেগকী রিপোর্ত মতুং ইন্না হায়রিবা চহী মঙাগী মতম অসিদা দিস্টেন্স লার্নিংগী কোর্স নিপান অদুগী মথক্তা গৌহাতি ইউনিভার্সিতিনা অতৈ কোর্স ২১ দা মহৈরোইশিং এদমিসন লৌখি হায়রি। হায়রিবা এপ্রুভ ওইদবা কোর্সশিং অসিগী মখাদা মহৈ তমখিবশিং কেন্দ্র সরকারগী থবক থাবা য়ারোইদৌরি।
------------------------------------------------------------
Get latest News Updates Please Download our Android app > CLICK HERE
To Subscribe our YouTube Channel > CLICK HERE 
------------------------------------------------------------