ঙসি

এয়ারতেল সাবস্ক্রাইবরশিংগী ইনফোর্মেসনশিং অতোপ্পানা খঙবগী তাঞ্জা ফংখ্রে।


এয়ারতেলগী সাবস্ক্রাইবর ক্রোর ৩২গী দাতাশিং অতোপ্পা মীওইশিংনা য়াম্না লায়না খঙদোকপা ঙমখ্রে। এয়ারতেলনা মখোয়গী এপ্লিকেসনদা সিকিউরিতিগী অহোবা খরা লৈবদগী অসিগুম্বা থৌদোক অসি থোকপনি হায়রি। বেঙ্গলুরুদা লৈদুনা থীজিন হুমজিল্লিবা ইহরাজ অহমেদ কৌবা মীওই অমনা মহাক্কী ব্লোগদা ফোঙদোরকখিবা মতুং ইন্না কনাগুম্বা এয়ারতেল সাবস্ক্রাইবর অমগী মরুওইবা ইনফোরমেসন খুদিংমক এয়ারতেলগী এপিআইদগী সাবসক্রাইবর অদুগী ইনফোরমেসন খুদিংমক খঙবা ঙম্মী হায়রি।
মীওই অদুগী ফার্স্ট নেম অমসুং লাস্ট নেম, জেন্দর, ইমেল, পোকপা নুমিৎ, এদ্রেস, সাবস্ক্রীপসন ইনফোরমেসন, দিভাইস অদু ফোর-জি, থ্রী-জি নত্রগা অতৈ করি নেটৱার্ক শিজিন্নরি, এক্টিভিসন তৌখিবা নুমিৎ, প্রিপেদ রা নত্রগা পোস্টপেদ রা, আইএমইআই  অসিনচিংবা খঙবা খুঙম্মী হায়না অহমেদনা মহাক্কী ব্লোগ অদুদা ইরি। এয়ারতেলনা ৱাফম অসিগী মতাংদা হৌজিক্কী ওইনদি থোইদোক্না চীংননিঙাই ওইদ্রে। খুদিংমক লোয়না য়েংশিল্লে হায়খি।  খ্বাইদগী চাওবা তেলিকোম সার্বিস প্রোভাইদরশিংগী মনুংদা ঐখোয়গী লৈবাক অসিগী ওইনা ভোদাফোন-আইদিয়া অমসুং রিলায়েন্স জিও গী মতুংদা এয়ারতেলনা অহুমসুবনি।

------------------------------------------------------------
Get latest News Updates Please Download our Android app > CLICK HERE
To Subscribe our YouTube Channel >LICK HERE 
------------------------------------------------------------