নাগালেন্দা চঙবগী ইন্নর লাইন পার্মিত (আই.এল.পি.) গী দমক ওনলাইনদা রেজিস্তর তৌবা য়াবগী খুদোংচাবা নভেম্বরগী তাং ৮ দগী হৌদোকখ্রে। চীফ মিনিস্তর নেফিউ রিও না ৱেবসাইত অসি লোন্চ তৌখিবনি। কনাগুম্বা তুরিস্তশিংনা আই এল পি গী দমক www.ilp.nagaland.gov.in ৱেবসাইত অসিদা মশাগী মোবাইল নম্বর পীরগা রেজিস্তর তৌবা য়ারগনি। মশাগী পার্তিকুলারশিং মেনশিল্লবা মতুংদা ফোতোগ্রাফ, আধার কার্দ, পান কার্দ, ইপিক কার্দ, দ্রাইভিং লাইসেন্স, পাসপোর্ত নত্রগা গোভর্ণমেন্ত আইদি আপলোদ তৌগনি। চহী ১০ মখাগী অঙাং ওইরগনা স্কুলগী ফোতো আইদি না য়াগনি।
সাবমিত তৌরবা মতুংদা ইমেল নত্রগা এসএমএসকী খুৎথাংদা এপ্রুব তৌই তৌদে খঙহল্লক্কনি। মতুংদা ৱেবসাইত অসিগী খুৎথাংদা লুপা ৫০/-(নুমিৎ ১৫ নীগী) নত্রগা লুপা ১০০/- (নুমিৎ ৩০ নীগী) ওনলাইন পেমেন্ত তৌবা তাগনি। পুম্নমক্কী তুংদা আইএলপি কার্দ অদু সাইত অসিদগী দাউনলোদ তৌরগা প্রিন্ত নত্রগা দিজিতেল কোপি ওইনা থম্বা য়াগনি হায়রি।
Pao sing asi ga loinana atei e-pao gi damak