পাউগী লিখুন মতুং ইন্না ইজরেলগী এনএসও হায়রিবা হেকর কাংবু অসিনা চৎলিবা চহি ২০১৯ গী এপ্রিল থাগী অরোয়বা চয়োলদগী হৌরগা মে থাগী ময়ায় চবুক অদুৱাই ফাওবা ইউজারশিং অদুগী নেটৱার্ক হেক তৌখিবনি। করিগীদমক মখোয়না অসিগুম্বা ফত্রবা থবক অসি চৎথখিবনো হায়বগী মতাংদা তাংদাংবা হায়দোকত্রবসু মাইগৈ মাইগৈদগী ৱাফম কয়ামরুম লেপ্তনা ফোঙদোক্নরকলি। চৎথখিবা থবক অসিগী মতাংদা ৱাটসএপকী মাইগৈদগী ইজরাইলগী লূপ অদুগী মথক্তা লৌখৎপা য়াবা থবক লৌখৎপা হৌ্খ্রে।
ভারতকী মাইগৈদগীসু ইলেক্ট্রোনিক্স এন্দ ইনফোরমেসন টেকনোলোজি মিনিস্ট্রিনা ৱাটসএপকী মফমদা নিংথৌকাবগী মনুংদা লংলা লংজিন খঙহল্লক্নবা দিল্লিদগী অকনবা ৱাহৈনা নোটিস থাখ্রে। এনএসও কী মাইগৈদগী পাউ অসি ইবফাওবদদি মখোয়না করিগুম্বা ৱাফম অমফাওবা ফোঙদোকপা লৈত্রি। হৌজিক লুরিবদি হেকিং তৌখিবগী অসুক কুইরবা মতুংদা ৱাটসএপনা করিগীদমক ৱাফমশিং অসি লোৎশিন্দুনা থম্লম্বনো। করিগীদমক পাউমী, এক্টিভিস্ত, হিউমেন রাইটস্ কী মীওইশিংদমক খল্ল খল্লগা হেক তৌরিবনো। কনানা করিগীদমক তৌহনবনো। মদুসু সাধারন মীখলগী মতম অদুগী মনুংদা ওইখিবা থৌদোকনি।Government of India is concerned at the breach of privacy of citizens of India on the messaging platform Whatsapp. We have asked Whatsapp to explain the kind of breach and what it is doing to safeguard the privacy of millions of Indian citizens. 1/4 pic.twitter.com/YI9Fg1fWro— Ravi Shankar Prasad (@rsprasad) October 31, 2019
হৌজিক্কী মতমদা মেসেজিংগী প্লেটফোর্ম কয়ামরুম লৈরবসু মীয়াম্না ৱাটসএপ পু খ্বাইদগী পাম্না শিজিন্নরি। মসিগী মরম অমখক্তি ৱাটসএপনা ইউজারগী প্রাইভেসি চপ চানা ঙাকতুনা থম্মি হায়বগী থাজবা থম্বা অসিননি। ৱাটসএপনা এন্দ-টু-এন্দ ইনক্রিপসন তৌবনা মেসেজ থানরিবা মীওই নত্তনা মরক্কী মীওই অমত্তনা হায়বদি লো এনফোর্সমেন্টতগী হৌরগা ৱাটসএপকী মীওই অমনফাওবা হায়রিবা মেসেজ অদু য়েংবা ঙমহন্দে। অদুম ওইনমক হন্দক্কী থৌদোক অসিনা অসুক কুইনা মীয়াম্না থম্লম্বা থাজবশিং অদু খরমখৈদি মাংলব্রা হায়দবা ঙমদে।
Pao sing asi ga loinana atei e-pao gi damak