Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   <<< Health Ministry opens dedicated Helpline for quiries on Novel #Coronavirus. 24x7 Call Centre is active for responding to queries on the virus. +91-11-23978046 <<< আসাম সরকারনা অল্ফাগী মকোক পরেশ বরুৱাদা থোরক্তুনা শান্তিগী ৱারী শান্ননবা আপিল তৌরি। অসোমদা গুৱাহাতিদা পাউমীশিংগা ৱারী শান্নবা অমদা রাজ্যগী শেলথুম মন্ত্রি অমসুং নোর্থ ইস্ট দেমোক্রেটিক এল্লাইয়েন্সকী কনভেনর হিমন্ত বিশ্ব শর্মানা মণিপুরগী লালহৌলুপশিংদসু থোরক্তুনা ৱারী শান্ননবা আপিল তৌরি।<<<

November 04, 2019

মণিপুরীশিংবু লান্ন লমজিংখিগদবা মতাং অমা চুমথোক্নবা সেবাগী চেয়ারমেনদা মেমোরেন্দম পীশিনখ্রে।

হায়স্কুলগী তম্ন-লাইরিকতা মণিপুরীশিংবু লান্ন লমজিংখিগদবা মতাং অমা চুমথোক্নবা আসাম মণিপুরী সাহিত্য পরিষদকী মীহুৎ কাঙবু অমনা সেবাগী চেয়ারমেনগী মফমদা মেমোরেন্দম অমা পীশিনখ্রে। ৱাকৎ চেরোল অদু সেবাগী চেয়ারমেন শ্রী আর.সি. জেইন, আই এ এস (রিটায়ার্দ)না হন্দক শিলচরদা লাক্লম্বা তানজা নভেম্বরগী তাং ৩, ২০১৯দা খুৎশিন্নখিবনি।
ক্লাস টেন অমসুং ক্লাস নাইনগী রেপিদ রিদর লাইরিক্কী ড. অমলেন্দু ভট্টচার্য্যনা ইবা কাছারের জনগোষ্ঠী হায়বা বরাক তম্পাক্কী তোঙান তোঙানবা কমিউনিতিশিংগা মরী লৈননা ইবা ৱারেং অমদা বরাক তম্পাক্তা খুন্দা লৈতাদুনা লৈরিবা মণিপুরীশিংগী মতাংদা পল্লিবা ৱাহৈ পরেং খরা মথংগী ইদিসনদা শেমদোকপীনবা তকশিনখি। চেয়ারমেন শ্রী জেইনগী মাইগৈদগীসু অশোয়বা শরুক খরা অদু মথংগী খুৎনমদা শোয়দনা শেমদোক্কনি হায়বগী থাজবা মীহুৎ কাঙবু অসিদা ফোঙদোক্লমখি হাযরি।
অসিতসু নত্তনা আসামদা খুন্দা লৈতাদুনা লৈরিবা মণিপুরীশিংগী পূৱারীগা শাগোন্নবা ৱারী শিংবুনশিং মরীক চুম্না ইদুনা তুংলমচৎতা মণিপুরীশিংবু লান্ন লমজিংখিদনবা মীহুৎ কাঙবু অসিনা চেয়ারমেনগী মফমদা হায়জখি। আসাম মণিপুরী সাহিত্য পরিষদকী জেনরেল সেক্রেটরী এনজি বসন্ত কুমার সিংহনা লুচিংবা মীহুৎ কাঙবু অদুদা কমলাকান্ত সিংহ, ঙাঙোম জয়কুমার, ড. কেএন চাঁন্দ, খাইদেম অমল, এন ধীরেন অমসুং শুভঙ্কর সিংহ য়াওখি।

Pao sing asi ga loinana atei e-pao gi damak 
Lakhipuronline android app install toubiyu CLICK HERE

Download Lakhipuronline app HERE