আইন কায়না চঙলকপশিং থীংননবা মেঘালয় সরকারনা অনৌবা আইন শেমখ্রে।

মেঘালয় চঙবদা হৌজিক্তগিদি রেজিস্টার তৌবা মথৌ তারগনি। হৌখিবা ইরাই নুমিত্তা মেঘালয় কেবিনেত না বিল অসিবু অয়াবা পীরে। ভারতকী নাগরিক ওইগেরা মীরৈবাক্কী ওইগেরা খুদিংমক মেঘালয়দা চঙদুনা পুং ২৪ নত্রগা মসিদগী হেন্না লৈথগদবা খুদিংমক রেজিস্টার তৌবা তারগনি। মেঘালয় রেসিদেন্টস্ সিকিউরিটি এক্ট ২০১৬ অসিবু রাজনৈতিক দোল, অতৈ লূপ কয়াগা কুপ্না ফম্মিন্নদুনা খন্নরবা মতুং হান্নগী আইন অদু শেমদোক শেমজিন তৌরগা অনৌবা ৱারেপ অসি লৌখিবনি। বিধানসভাগী নিংথম মীফমদা ৱারেপ অসি রেগুলার ওইরগনি।
মেঘালয়গী রেসিদেন্ট নত্তবা কনাগুম্বা মীওই অমা রাজ্য অসিদা পুং ২৪দগী হেন্ন লৈথগদবা ওইরবদি মীওই অদু মহাক্কী শকতাক চে অমসুং অতৈ চে চাং লৈঙাকতা পিশিন্দুনা রেজিস্তর তৌবা তাগনি হায়না দেপুতি সিএম প্রেস্টোন তিনসোংনা ফোঙদোকখ্রে। তৌইগুম্বসুং রাজ্য অসিদা লৈবা কেন্দ্র সরকারগী কর্মচারী, রাজ্য সরকারগী কর্মচারীশিং অমসুং জিলা পরিষদকী থৌমীশিংগী মতাংদদি আইন অসি চৎনরোই হায়রি। পনবা য়াই, কংগ্রেস সরকারনা পাল্লিঙৈ মতমদা মেঘালোয় রেসিদেন্টস্ সেফটি এন্দ সিকিউরিটি এক্ট ২০১৬ (এমআরআরএসএ) পাস তৌখিবনি। আইন অসিনা রাজ্য অসিদা মপান্দগী লাকতুনা ভারাদা লৈবা মীওইশিংখক্তদা আইন অসিনা কোনশিনখি।  য়ুম ভারা পীরিবা মীওইশিংনা লৈগদৌরিবশিংগী চে চাং মাংজৌননা লমদম অদুগী প্রধানশিংদা খুৎশিন্নবগী ৱা য়াওরি। মসিনা আইন কায়না মপান্দগী চঙলকপা থীংনবগী পান্দমদা ইন্নর লাইন পার্মিট (আইপিএল) গী মহুৎত্তা আইন অসি চৎনহনখি।

Pao sing asi ga loinana atei e-pao gi damak 

Lakhipuronline android app install toubiyu CLICK HERE

Download Lakhipuronline app HERE