Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   # সাফ গেমসকী নুপীগী ফেন্সিংদা কাছার লখিপুরদগী থৌদাম কবিতা দেবী না সনাগী তকমান অনি লৌরকলে। # সিতিজেনসিপ এমেন্দমেন্ট বিল ২০১৯ ঙরাং লোকসভাদা পাস তৌখ্রে। # মনিপুরদা ইন্নর লাইন পার্মিট সিস্টেম চৎনরগনি হায়না কেন্দ্রগী হোম মিনিস্টর অমিত সাহনা লাউথোকখ্রে। # আসামগী ঐইচ.এস.এল.সি. রুতিন থোকখ্রে ফেব্রুৱারীগী ১০দগী ২৯ ফাওবা পরিক্ষা ওইরগনি। #

November 18, 2019

বরাক তম্পাক্কী মফম অনিদা সাহিত্য একাদেমীগা খুৎশম্নদুনা সাহিত্যগী থৌরম পাঙথোকখ্রে।

সাহিত্য একাদেমীগা খুৎশম্নরগা নভেম্বরগী তাং ১৮ নিংথৌকাবা নুমিত্তা বরাক তম্পাক্কী তোঙান তোঙানবা মফম অনিদা সাহিত্যগী থৌরম পাঙথোকখ্রে।

সাহিত্য একাদেমীগা খুৎশম্নদুনা গুরুচরণ কলেজ শিলচরদা ইকোক্রিতিকেল পার্সপেক্টিভস্ ইন মণিপুরী পোইট্রি হায়না মীংথোনবা সাহিত্যগী থৌরম অমা শিল্লাংখি। জিসি কলেজকী প্রিন্সিপাল বিভাস দেবনা ময়ায় তাংবল লৌদুনা পাঙথোকখিবা ইনাগুরেল সেসনদা সাহিত্য একাদেমী কলকাতাগী প্রোগ্রাম অফিসার মিহির কুমার সাহু অমসুং সাহিত্য একাদেমী মণিপুরী এদভাইজরি বোর্দকী কনভেনর এন কিরণ কুমার সিং শরুক য়াখি। জিসি কলেজ শিলচরগী মণিপুরী দিপার্তমেন্টকী হেড অঞ্জু দেবী না থাগৎ ৱাহৈ ফোঙদোকখি। কে. নয়ণচাঁন্দ সিংহনা ময়ায় তাংবল লৌদুনা পাঙথোকখিবা একাদেমীক সেসনদা কেঐইচ হেমাবতি সিংহ, এল নিপামচা সিং অমসুং ও ঊষারাণী সিংহ না চে পাথোকখি। 


অসোমদা সাহিত্য একাদেমীনা নহারোল খোরিরোল সিল্লুপ লখিপুরগা খুৎশম্নদুনা পোয়লাপুলগী কমিউনিতি হোলদা ইম্পোরতেন্স অফ্ চিলদ্রেনস্ লিটরেচর হায়বা হীরমদা সাহিত্যগী থৌরম অমা পাঙথোকখি। নহারোল খোরিরোল সিল্লুপ লখিপুরগী প্রেসিদেন্ট য়ুম্নাম ইলাবন্ত না ময়ায় তাংবল লৌদুনা পাঙথোকখিবা থৌরমদা সাহিত্য একাদেমী কলকাতাগী প্রোগ্রাম অফিসার মিহির কুমার সাহু অমসুং সাহিত্য একাদেমীগী মণিপুরী এদভাইজরি বোর্দকী কনভেনর এন. কিরণ কুমার সিং শরুক য়াখি। নহারোল খোরিরোল সিল্লুপ লখিপুরনা ফোংবা "খোরিরোল" চেফোংসু নুমিৎসিদা এন. কিরণ কুমার সিং না  ফোংখি ।
সাহিত্য একাদেমী নিউ দিল্লিগী মণিপুরী লেঙ্গুয়েজ এদভাইজরি বোর্দকী মেম্বর থোকচোম বিশ্বনাথ সিংহনা কি-নোট এদ্রেস পীখি। দব্লিউ শরৎচন্দ্র সিংহনা ময়ায় তাংবল লৌদুনা পাঙথোকখিবা একাদেমীক সেসনদা ইঙুদম সতীশ চন্দ্র, এস মেরিনা সিংহ অমসুং এস মুহিবুর রহমান না চে পাথোকখি।

------------------------------------------------------------
Get latest News Updates Please Download our Android app > CLICK HERE
To Subscribe our YouTube Channel > CLICK HERE 
------------------------------------------------------------