Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   # সাফ গেমসকী নুপীগী ফেন্সিংদা কাছার লখিপুরদগী থৌদাম কবিতা দেবী না সনাগী তকমান অনি লৌরকলে। # সিতিজেনসিপ এমেন্দমেন্ট বিল ২০১৯ ঙরাং লোকসভাদা পাস তৌখ্রে। # মনিপুরদা ইন্নর লাইন পার্মিট সিস্টেম চৎনরগনি হায়না কেন্দ্রগী হোম মিনিস্টর অমিত সাহনা লাউথোকখ্রে। # আসামগী ঐইচ.এস.এল.সি. রুতিন থোকখ্রে ফেব্রুৱারীগী ১০দগী ২৯ ফাওবা পরিক্ষা ওইরগনি। #

October 11, 2019

জিও হান্নগুম ফ্রি ওইদ্রে, আউট্গোইং কোলদা আই ইউ সি চার্জ মিনিট ১ দা পৈসা ৬ লৌরগনি।


জিও হান্নগী জিও ওইদ্রে! ইনকামিং অমসুং আউটগোইং কোল অনিমক ফ্রি ওইরম্বদু হন্দকতগীদি আউটগোইং ফ্রি ওইদ্রে। জিও দগী জিও নত্তবা অতোপ্পা ওপরেটরদা ভোইস কোল তৌবদা মিনিট অমদা পৈসা ৬ তৌদুনা তোঙানবা চার্জ লৌরগনি হায়খ্রে। অদুম ওইনমক চহী অসিগী দিসেম্বর থা ফাওবতং চার্জ অসি লৌগনি হায়নসু ওক্টোবরগী তাং ৯ দা থোকখিবা জিও গী অফিসিয়েল প্রেস রিলিজ অদুদা ফোঙদোকলি।

জিওগী ইনৌ নৌবা নীওম অসিগী মতুং ইন্না আই ইউ সি হায়বদি ইন্টরকনেক্ট ইউসেজ চার্জ হায়দুনা জিও দগী জিও নত্তবা অতোপ্পা ওপরেটর অমদা কোল তৌবা মতমদা জিও না মিনিট অমদা পৈসা ৬ তৌদুনা অহেনবা চার্জ লৌরগনি। টেলিকোম ওথোরিটি অফ ইন্দিয়া (ট্রাই) না লৌখৎলকলিবা নীওম অসি মমাংঙৈদগী হৌনা অদুম্মক চৎনদুনা লাকলবনি । অদুবু জিওনা মশাগী ফুরিৎখাওদগী শেন অদু পীদুনা লাকখিবনি। জিও না এয়ারটেলদা কোল তৌবা মতমদা ওয়ারটেলনা জিওদগী মিনিট অমদা পৈসা ৬ ফংঙি। অসুম্না এয়ারটেলনা জিওদা কোল তৌবদসু জিও না এয়ারটেলদগী মিনিট অমদা পৈসা ৬ তৌদুনা ফংলগা লাকখিবনি।
জিওনা অহানবা হৌগৎলকপা মতমদা  টেলিকোম অথোরিটি অফ ইন্দিয়া (ট্রাই) না শেনফম অসি মিনিট অমদা পৈসা ১৪ গী চাংদা লৌরম্মী। মতমগী মতুং ইন্না লীকথরক্তুনা হৌজিক মিনিট অমদা পৈসা ৬গী চাংদা লৌরি। শেনফম অসি খৃঃ চহী ২০২০ গী জনুৱারী ১ দগী লৌররোই হায়বগী ৱাফমসু জিওনা থাজবা ফোঙদোকলি।
প্লান নত্রগা পেক কয়ামরুমগা লোয়ননা জিওনা হৌদোরকপদা আইদিয়া অমসুং এয়ারটেল নচিংবদা কোল অসি অসুক্কী মতিক লাকখি। মদু অয়াম্বনা জিও দা মিসকোল তৌরক্লগা জিওনা অমুক কোল বেক তৌবনা অয়াম্বনি। অসুম্না হৌখিবা থা অহুম অসি লুপা কোটি লিশিং ১৩ গা চামঙাগী শেনফম আই ইউ সি হায়বদি ইন্টরকনেক্ট ইউসেজ চার্জ ওইনা অতোপ্পা ওপরেটরশিংদা পীবা তাখি। মমাং থাবদা জিওনা মীয়ামগী পুক্নিং জয় তৌবা ওইনা শেনফমশিং অদু মশাগী ফুরিৎ খাউদগী পুথোকতুনা লাকখিবনি অদুবু হৌজিকতি মখোয়গী মীং মালেমগী অৱাংবা থাক্তা লাক্লবনিনা মখোয় মশাগী ফুরিৎখাউদগী লৌথোকপা তোক্লগা ঐখোয়গী ফুরিৎখাউদা হুম্বা হৌরকপনি। নীওম অসি টেলিকোম ওথোরিটি অফ ইন্দিয়ানা জিও দগী পুন্সি চুপ্পগী ওইনা লৌগদবা নত্তে। লাক্লিবা দিসেম্বগী তাং ৩১গী মনুংদা পৈশা তরুক্তগী তাথখিদুনা হান্নগী মতৌগুম ফ্রি ওইরগনি হায়না জিওনা মীয়ামদা থেমলি।
ওক্টোবরগী তাং ১০দগী হৌরগা চৎনবা হৌরিবা জিওগী অনৌবা নিওম অসিদা হান্নগী লৈজবা পেক অদুগী মথক্তা অনৌবা আই ইউ সি টোপ-অপ্ কী শেনফম হাপচিনবগী ৱাফম পল্লি। আই ইউ সি টোপ-অপ লুপা ১০ না জিওনা অতোপ্পা অপরেটরদা কোল তৌবগী আই ইউ সি মিনিট ১২৪ ফংগনি অমসুং মসিগা লোয়ননা ফ্রি দাটা জিবি ১ ফংগনি। অসুম্না লুপা ২০ না আই ইউ সি মিনিট ২৪৯ অমসুং ফ্রি দাটা জিবি ২ ফংগনি, লুপা ৫০না আই ইউ সি মিনিট ৬৫৬ অমসুং ফ্রি দাটা জিবি ৫ অদুগা লুপা ১০০ গী আই ইউ সি টোপ-অপনা  জিও না অতোপ্পা ওপরেটরদা কোল তৌবদা আই ইউ সি মিনিট ১৩৬২ অমসুং ফ্রি দাটা জিবি ১০ ফংগনি।
অনৌবা আই ইউ সি চার্জ অসিদা টোপ অপ কা লোয়ননা  ফ্রি দাতা হাপচিনবিরিবা অসিনা মীয়ামগী পুক্নিং ফাথনবা মচাক ওইদবসু নত্তে।
অরোইবদা হায়জনিংবদি, ভোইস কোল তৌবদা জিওদগী অতোপ্পা ওপরেটরশিংদা কোল তৌবদা মিনিট অমদা পৈশা ৬ ককলবসু জিও দগী জিওদা কোল তৌবা, জিওদা লাকপা লাকপা কোলশিং, জিওদগী লেন্দলাইনদা কোল তৌবা লোয়ননা ৱাট্সএপ, ফেসবুক নত্রগা টেলিগ্রাম নচিংবা এপ্কী খুৎথাংদা ভোইস কোল তৌবদদি হান্নগীগুম অদুম্মক ফ্রি ওইখিগনি।
Watch video : https://youtu.be/2XTJnuoUVPc
Download Press Release: https://bit.ly/2OCDf6q