Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   # সাফ গেমসকী নুপীগী ফেন্সিংদা কাছার লখিপুরদগী থৌদাম কবিতা দেবী না সনাগী তকমান অনি লৌরকলে। # সিতিজেনসিপ এমেন্দমেন্ট বিল ২০১৯ ঙরাং লোকসভাদা পাস তৌখ্রে। # মনিপুরদা ইন্নর লাইন পার্মিট সিস্টেম চৎনরগনি হায়না কেন্দ্রগী হোম মিনিস্টর অমিত সাহনা লাউথোকখ্রে। # আসামগী ঐইচ.এস.এল.সি. রুতিন থোকখ্রে ফেব্রুৱারীগী ১০দগী ২৯ ফাওবা পরিক্ষা ওইরগনি। #

September 28, 2019

এন আর সি দা মিং য়াওদ্রবসু ভোট থাদবা য়াখিগনি।


ভোটর লিস্টা করিগুম্বা মীওই অদুগী মমিং য়াওরগদি, এন আর সি দা মমিং য়াওরক্ত্রবসু মহাক অদু ভোট থাদবগী অয়াবা পীগদৌরি। মীখল কমিসননা হৌখিবা ইরাই নুমিত্তা ৱাফম অসিগী মতাংদা ৱারেপ লৌখিবনি । এন আর সি দা মিং য়াওরক্তবা হায়বসি ডি ভোতর নত্তে। মরম অদুনা মীখলগী কমিসননা এন আর সিদা মিং য়াওরক্তবা মীওইশিংগা ডি ভোতরশিংগা য়াম্না খেন্নৈ হায়না ফোঙদোকলি। ফোরেনর্স ট্রাইবুনেলনা এন আর সি দগী খৎথহৌরবা কনাগুম্বা মীওই অমবু মীরৈবাক মচানি হায়না প্রমাণ পুথোকত্রিফাওবা মীওই অদু ভোট থাদবগী অথিংবা লৈরোই হায়রি। এন আর সি দা মমিং য়াওরক্তবা মীওইশিং অমুক হন্না হায়জ-চে থানবগী খুদোং চাবা পিরদুনা আসাম সরকারনা রাজ্যগী জিলা ৩৩ দা অহেনবা ফোরেনর্স ট্রাইবুনেল ২০০ থম্বগী অয়াবা পীরে। হান্না লৈরম্বা ফোরেনর্স ট্রাইবুনেল ১০০ গী মথক্তা ২০০ হাপচিন্দুনা হৌজিক রাজ্য অসিগী অপুনবা ফোরেনর্স ট্রাইবুনেল মশিং ৩০০ শুরে। মসিগী মনুংদা কামরূপ মেট্রো অমসুং নগাঁওদা ১৫, হোজাইদা ১১, দরং দা ১০, কাছার অমসুং তিনসুকীয়াদা ৯/৯ , করিমগঞ্জ, কামরূপ, মরিগাঁও অমসুং শোণিতপুর জিলাদা ৮ তৌদুনা ফোরেনর্স ট্রাইবুনেল শেমগৎলে। এন আর সি দা মীং য়াওরক্তবা মীওইশিংনা মরি লৈনবা দিসি খুৎথাংদগী নোটিস ফংলবা মতুংদা হায়রিবা ফোরেনর্স ট্রাইবুনেলশিং অসিদা হায়জ-চে থাগদবনি হায়রি। নৌনা শেমগৎলিবা ফোরেনর্স ট্রাইবুনেলশিং অসিগী দমক থবক্তগী পোৎথারবা বুরোক্রেট অমসুং সিভিল সারভেন্টস্ য়াওনা প্রেকসিটিং লোয়ার না শাবা অনৌবা মেম্বর ২২১ এপোইন্ট তৌখ্রে।
পনবা য়াই, হৌখিবা আগস্টকী তাং ৩১, ২০১৯ দা ফোঙখিবা ফাইনেল এন আর সি দা  মীওই ৩,১১,২২,০০৪ গী মীং য়াওরকখি অদুগা মীওই ১৯,০৬,৬৫৭ গী মীং খৎথহৌখি। অদুগা খৃঃ কুমজা ২০১৪ গী জনুৱারী ৬ কী রাজ্য সরকারগী পাউ অমগী মতুং ইন্না রাজ্য অসিদা পুন্না ডি ভোতরগী মশিং অসি ১,৪৩,২২৭ ওইখি হায়রি।