নভেম্বরগী তাং ১০ আসাম রাজ্যগী ওইবা টিচার্স ইলিজিবিলিটি টেস্ট (টেট) পরিক্ষা পাঙথোক্লগনি।

অকনবা চেকশিন থৌরাংগা লোয়ননা লাক্লিবা নভেম্বরগী তাং ১০ দা আসাম রাজ্যগী ওইবা টিচার্স ইলিজিবিলিটি টেস্ট (টেট) পরিক্ষা রাজ্য অসিগী জিলা ৩৩ দা পাঙথোক্লগনি। নুমিৎ অসিগী নোংমতদা পরিক্ষা অয়ুক নুংথিল সিফ্থ অনিদা পাঙথোক্কনি। অয়ুক্কী পুং নিপান মখায়দা এল পি (লোৱার প্রাইমারি) টেট চাংয়েং অদুগা নুমিৎ য়ুংবা মতুং পুং তরানিথোই মখায়দগী ইউ পি (আপার প্রাইমারি) টেট চাংয়েং হৌগনি। কেন্দিদেট শিংনা পাউখুম চে দা সিগনেচর তৌবগী তঙাইফদবা লৈগনি। মরী লৈনবা জিলা শিংগী দেপুটি কমিসনার, এস দি ও, অমসুং পুলিস স্টেসনগী ও সি গী মখাদা হায়রিবা চাংয়েং অসি অকনবা চেকশিন থৌরাংগা লোয়ননা পাঙথোক্কনি হায়রি।
আসাম টেট ২০১৯ গী চাংয়েং অসি মতম অদুগী কংগ্রেস লৈঙাক্কী মতমদা খৃঃ কুমজা ২০১২ গা মতমদা পাঙথোকখিবগী শাংলবা চহী তরেৎকী মতুংদা অমুক পাঙথোলিবনি অমসুং হৌজিক পাল্লিবা বিজেপি লৈঙাক অসিগী ওইনদি মসিনা অহানবা টেট চাংয়েং ওইগদৌরি। পনবা য়াই, রাজ্য অসিগী ওইনা অপুনবা ওজাগী অহাংবা ফম ১৭,২৯২ গী মনুংদা লোৱার প্রাইমারিগী অহাংবা ফম ১০,১৩৭ অমসুং আপার প্রাইমারিগী অহাংবা ফম ৭,১৫৫ য়াওরি।