ইউনিভার্সিতিগী মহৈরোইশিং সিনেমা য়েংবগী দমক কেম্পাসতগী মপান থোকত্রবসু য়ারগনি।

Representative Photo

মহৈরোইশিংনা ক্লাসতগী হুরান্দুনা থোরক্লগা সিনেমা য়েংবগী মতাংদা মতম কুইনা খন্নরবা মতুংদা হন্দকতগী হৌনা কলকাতা ইউনিভার্সিতিগী মহৈরোইশিং সিনেমা য়েংবগী দমক কেম্পাসতগী মপান থোকত্রবসু য়ারগনি। ইউনিভার্সিতিগী মনুংদা মহৈরোইশিংদা সিনেমা য়েংহনবগী থৌরাং তৌরে। কলকাতা ইউনিভার্সিতিগী কোলেজ স্ট্রিট কেম্পাসতা লৈবা সেন্ট্রেল লাইব্রেরীদা মহৈরোইশিংগী ফিল্ম কোর্নার অমা শাগৎপা হৌখ্রে। সিনেমাগী মরী লৈননা মহৈ তম্লিবা মহৈরোইশিংনা লাইব্রেরীদা ফমদুনা অদুম্মক মালেমগী মফম মফমগী তোঙান তোঙানবা লোনগী ফিল্ম য়েংবগী খুদোংচাবা ফংলগনি।
সিনেমা য়েংবগী হোল অদুদা দবলি সাউন্দ য়াওরবা  চাউরবা এলইদি টিভি অমা খিনগদৌরি। হৌজিকমক্কী ওইনদি মীওই ১৫ খক্তমক ফম্লগা য়েংনবগী খুদোংচাবা পীগনি হায়রি।
ফিল্ম কর্নার অসিগী মরী লৈননা সিনেমা জগৎকী লাইরিক লিশিং অনি লৈশিনখ্রে। সামি কাপুর, সাহরুক খান, সত্যজিৎ রায়, ঋত্বিক অমসুং চার্লি চাপলিন নচিংবা মীওইশিংগী মরমদা নৈনবা লাইরিকশিং য়াওরি।

Post a Comment

0 Comments