ঙসি

কাছার বড়বিলগী সৌবাম খোইমুদা ২০১৯ চহীগী ওইনা কলা ভূষণ (ৱারী লীবা) উপাধি পীরগনি।

কলা ভূষণ (ৱারী লীবা) উপাধি |
মণিপুরী সাহিত্য পরিষদ, ইম্ফালনা ২০১৯ চহীগী ওইনা সাহিত্য, কলা সংস্কৃতিগী লমদা থোইদোক হেন্দোকপা দান তৌরবশিংদা পীগদবা উপাধি, শেলগী মনা অমসুং সনাগী মেডল ফংগদবা মীওইশিংগী মমিং লাউথোকপদা বড়বিল ফুলেরটল কাছারদগী সৌবাম খোইমু য়াওরকলে। জুনগী তাং ৫ দা ফমখিবা পরিষদকী মীফমনা সৌবাম খোইমুদা কলা ভূষণ (ৱারী লীবা) উপাধি পীরগনি হায়না লাউথোকখ্রে। মনা অসি মণিপুরী সাহিত্য পরিষদ, ইম্ফালগী ৮৫ শুবা চহিগী মীফমগা মরি লৈননা লাক্লিবা জুনগী তাং ২৪দা লান্থোক্কনি হায়রি।
মণিপুরী সাহিত্য পরিষদকী অতৈ উপাধি ফংগদবশিং উদুদি  -

  • খুমন্থেম প্রকাস সিংহ - শগোলবন্দ মৈনো লৈরক ইম্ফালদা সাহিত্য রত্ন, 
  • ক্ষেত্রিময়ুম বীর (ক্ষেত্রি বীর) - ককচিংদা সাহিত্য ভূষণ,
  • লাইশ্রম মেম্মা দেবী - মুম্বাইদা সঙ্গিট রত্ন (মতম ঈশৈ),
  • থোঙাম ইবোচৌ সিংহ - শিংজমৈ থোঙাম লৈকাই ইম্ফালদা সঙ্গিট ভূষণ (মতম ঈশৈ),
  • হেমাম অচৌবা সিংহ - মোইরাংথেম লৈজুবম লৈকাই মোইরাংদা সঙ্গিট ভূষণ (পেনা),
  • শেংবাংপু (য়াইমা কবুই) -চীংখাম কবুই খুল লিলোং থৌবালদা সঙ্গিট ভূষণ (কবুই ফোল্ক সোং),
  • লৈহাওরুংবম বীদুর সিংহ - খুরাই চীঙ্গাবম লৈকাই ইম্ফালদা সঙ্গিট ভুষণ (মনোহরসাই),
  • লাইতোঞ্জম নিঙোল কোন্সম ওংবী সনাহনবী দেবী - থৌবালদা নট ভূষণ (দুহার),
  • য়ুম্নাম রাজেন্দ্র সিংহ - চীংঙামথক য়ুম্নাম লৈকাই ইম্ফালদা নাট্য ভূষণ (দ্রামা),
  • লাইশ্রম কুঞ্জরাজ মৈতৈ -চঙাঙ্গৈ মখা লৈকাই মালোম ইম্ফালদা নাট্য ভূষণ (শুমাং লীলা),
  • খোমদ্রাম বোরাজাওবা সিংহ - কোংবা ক্ষেত্রি লৈকাই ইম্ফালদা নাট্য ভূষণ (গৌর লীলা),
  • নিংথৌজম মনি সিংহ - লাংথবাল কুঞ্জ মখা লৈকাই ইম্ফালদ শিল্প ভূষণ (পুঙ তিংবা),
  • এলাম ইন্দিরা - ললাম্বুং তখেল্লম্বম লৈকাই ইম্ফালদা নৃত্য ভূষণ (লাই হরাওবা),
  • থাংজম দশরথ সিংহ - কোনুং লৈকাই থাঙ্গপাৎ মপাল ইম্ফালদা কলা ভূষণ (লাইরিক হায়বা),
  • সৌবাম খোইমু সিংহ - বড়বিল, ফুলেরটল, কাছারদা কলা ভূষণ (ৱারী লীবা),
  • ৱাহেংবম ইন্দ্র সিংহ - খুরাই কোন্সম লৈকাই ইমফালদা কলা ভূষণ (থাঙ-তা),
  • থিয়াম দেবেন্দ্র সিংহ - শিংজমৈ নিঙোমথোং ইম্ফালদা কলা ভূষণ (লাই য়েকপা),
  • সৌবাম গৌরধন সিংহ - অৱাং পোৎশংবম খুল্লেন ইম্ফালদা বাদ্য রত্ন ।
মণিপুরী সাহিত্য পরিষদকী শেলগী মনা ফংগদবশিং অদুদি -
  • হৈস্নাম অশংবী দেবী (সংকীর্ত্তন ঈশৈ) - কোংবা কৈথেল ইম্ফালদা ক্ষেত্রি অচৌ শেলগী মনা,
  • এলাংবম চাউভল সিংহ (দুহার) - কৈশামথোংদা ক্ষেত্রি নৱাং শেলগী মনা,
  • সোইবম বোকুল সিংহ (মৈতৈ পুঙ) - থৌবালদা কাংঙবম ইবোমচা শেলগী মনা,
  • হৈস্নাম সাবিত্রি দেবী (থিয়েটর এক্টিং) - লাইমনাই লম্ফেলদা হাওবম ইবুংঙোয়াইমা শেলগী মনা।
মণিপুরী সাহিত্য পরিষদকী সনাগী মেডল ফংগদবশিং অদুদি -
  • থৌনাওজম পারুল দেবী (জগোই রাস) - ইম্ফালদা শ্রীমতি থৌরানীশাবী সনাগী মেডল,
  • অকোইজম ইবোমচা সিংহ (পুঙ) - ইম্ফালদা গম্ভীনি অমসুং রঞ্জনা সনাগী মেডল,
  • মৈকাম থোইবা সিংহ (পুঙ) - ইম্ফালদা কোঞ্জেংবম ধন নীংশিং সনাগী মেডল,
  • শিজগুরুময়ুম ইমোবী শর্ম্মা (লাইয়েকপা) - ইম্ফালদা রাজকুমার য়ুমজাওসনা নীংশিং সনাগী মেডল।