Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   # ট্রাইবেল নুপীমচা অমবু ফম্লানবীরগা হাত্তোকপনি হায়বগী মতাংদা মীওই ৩ ফারে। ### লোৱার হাফলোংদা দুকান ১২ মৈনা তুম্না চাকখ্রে। ### নহারোল খোরিরোল সিল্লুপনা মনিপুরী শৈরেংগী নুমিৎ পাঙথোকখ্রে। ### কামরাঙ্গাদা ইমোইনু চা মনা পুথোকপা হৌখ্রে। ### শকখঙদবা নুপীগী অশিবা হকচাং অনি ফংলে। ### রাজ্যগী বিধানসভা সিট মরিগী হয়েং পাঙথোক্কদবা মীখলগী শেমশাবা লোইরে।ভোটর আই দি ওনলাইনদা ভেরিফিকেসন তৌবগী মতম নভেম্বরগী তাং ১৮ ফাওবা শাংদোকহনখ্রে। #

March 30, 2019

নাসানা XCOM শিজিন্নরগা পৃথিবী অমসুং অতৈ গ্রহ শিংগা ঈপাউ ফাওনগদৌরি।


ঈপাউ ফাওনবগী লমদা য়াম্না নৌবা টেক্নোলোজি শিজিন্নরগা ইরায় লায়না পৃথিবী অমসুং শুন্দ্রংগী অতৈ মফমশিংগা মীৎনা কুপ্পদা দাতা থাদোক থাজিন তৌবা য়াহনগদৌরি। থৌওং অসিদা X-rays শিজিন্নরগা অহানবগী ওইনা পৃথিবীদগী ইন্টরনেসনেল স্পেস স্টেসন (ISS) দা চুমদ্রিং ফোন কোল তৌগদৌরি। শুন্দ্রংগী খোঙচৎতা লৈরিবা এস্ট্রোনোটশিংনা XCOM গী মতেংনা পৃথিবী লৈমায়দা লৈহৌরিবা মশাগী য়ুমদাফাওবা চুমদ্রিং ফোন তৌবা য়াহনগদৌরি। সৌরজগৎ অসিগী ৱাংমদা পাম্বৈ অসি শিজিন্নবগী দমক মতম কয়াগী মমাংদগী চাংয়েং তৌদুনা লাকখিবনি অদুবু থৌওং অসি হন্দকতি থবক ওইনা উৎথোকপা ঙমলগনি হায়না নাসাগী ইঞ্জিনিয়ার জেসোন মীটচেলনা ফোঙদোকখি।
হৌজিকমক্কী ওইনদি পৃথিবী অমসুং শুন্দ্রংগী মরক্তা রেদিও ৱেবকী মতেংনা ঈপাউ থাদোক থাজিন তৌনরি। X-rays অমসুং রেদিও ৱেব অনিমক মঙালগী খোঙজেল হায়বদি সেকেন্দ অমদা মিটর লাখ অমগী খোঙজেলদা ঈপাউ থাদোক থাজিন তৌই। X-rays গী খুৎথাংদা য়াম্না য়াংনা ঈপাউ থাবা ঙম্লগসু থৌওং অসি পৃথিবীগী লৈমায়গী মফম অমদগী মফম অমদা অহিংবা জিবশিংদা খুদোং থিনিঙাই ওইবনা  ঈপাউ থাদোক থাজিন তৌবদা থৌওইনা শিজিন্নদে। অদুম ওইনমক X-rays গী মতেংনা শুন্দ্রংগী লমদদি ঈপাউ থাবদা থোইদোক্না কান্নবা মহৈ পীগনি।
রেদিও ৱেব অমসুং ইনফ্রা রেদ তগী X-rays না ৱেবলেংথ তেল্লি অমসুং মসিনা মরম ওইরদুনা য়াম্লবা data গী শরুকশিং পীথোক পিশিন তৌবদা কান্নরগনি। পৃথিবী রোমদা শুন্দ্রংগী খোঙচৎতগী হল্লকপদা থোকপা য়াবা খুদোং থীবা কয়াসু কনবা ঙমলগনি। পৃথিবীগী লৈমায় য়ৌরমদায়দা ওইরকপা অৱাংবা মৈশানা স্পেস ক্রাফ্টকী অকোয়বদা প্লাজমাগী কুয়োম অমা শেম্মী। মতম অসিদা Radio waves না কুয়োম অসি ফাওদুনা চঙশিনবা ঙমদ্রবসু XCOM নদি ইরায় লায়না কুয়োম অসি ফাওরগা স্পেস ক্রাফ্ট মনুংদা চঙশিনবা ঙমহন্দুনা মতম অদুদা থোকপা য়াবা খুদোং থিবা কয়াদগী কনবা ঙমহল্লি।

পাউশিং অসিগা লোয়ননা অতৈ পাউগী দমক গুগল্ প্লে স্টোরদগী ইন্সটোল তৌবিউ Lakhipuronline android app

No comments:

Post a Comment

Comments ...