কোর্স খরদি দিসটেন্স কোর্স ওইনা তম্বা য়াররোইঃ ইউজিসি

হন্দকতগী কোর্স খরা অমদি দিসটেন্স ওইনা তম্বা য়াররোই হায়না ইউনিভার্সিটি গ্রান্ট কমিসন (ইউজিসি) না লাউথোকখ্রে। হায়ার এদুকেসন ইন্সটিটিউট খরদা ইউজিসি গী মাইগৈদগী ৱাফম অসি খঙহনখ্রে হায়রি। ৱাফম অসিগী মতুং ইন্না মরুওইনা প্রোফেসনেল কোর্সশিংদা দিসটেন্সকী খুত্থাংদা দিগ্রী পিদনবা খঙহল্লকপনি। হৌজিক এগ্রিকারচারগী লমদা দিসটেন্স দিগ্রী প্রোগ্রামগী খুদোং চাবা পীরিবা ইন্সটিটিউটশিং মখা তানা পিদনবা খঙহনখ্রে। পনবা য়াই, নাসিক বেসদ্ ৱাসন্ট রাও চাৱান মহারাস্ট্র ওপেন ইউনিভার্সিটি, আনামালাই ইউনিভার্সিটি, ইগনৌ, কুভেম্পু ইউনিভার্সিটি অমসুং নালান্দা ওপেন ইউনিভার্সিটি হায়রিবা ইন্সটিটিউটশিং অসিদা মমাং থাবদগী এগ্রিকালচারেল সাইন্সতা দিগ্রী অমসুং দিপ্লোমা প্রোগ্রামগী দিসটেন্স কোর্সকী খুদোং চাবা পীদুনা লাকখিবনি। মখাতানা দিসটেন্স কোর্স ওইনা তম্বা য়াররোইদবা কোর্সশিংদি - ইঞ্জিনিয়ারিং, মেদিসিন, দেন্টেল, ফার্মেসি, নার্সিং, আর্কেটেকচার, ফিজিওথেরাপি অমসুং এগ্রিকালচার নি।

পাউশিং অসিগা লোয়ননা অতৈ পাউগী দমক গুগল্ প্লে স্টোরদগী ইন্সটোল তৌবিউ Lakhipuronline android app

--Please Like & Subscribe our Social Links : 
YouTube https://www.youtube.com/c/Lakhipuronline
Facebook https://www.facebook.com/c/Lakhipuronline