Lakhipuronline | Complete platform for North-east India

First regional News blog of North East India, breaking news in English and Manipuri.

  || BREAKING NEWS ||   # সাফ গেমসকী নুপীগী ফেন্সিংদা কাছার লখিপুরদগী থৌদাম কবিতা দেবী না সনাগী তকমান অনি লৌরকলে। # সিতিজেনসিপ এমেন্দমেন্ট বিল ২০১৯ ঙরাং লোকসভাদা পাস তৌখ্রে। # মনিপুরদা ইন্নর লাইন পার্মিট সিস্টেম চৎনরগনি হায়না কেন্দ্রগী হোম মিনিস্টর অমিত সাহনা লাউথোকখ্রে। # আসামগী ঐইচ.এস.এল.সি. রুতিন থোকখ্রে ফেব্রুৱারীগী ১০দগী ২৯ ফাওবা পরিক্ষা ওইরগনি। #

March 02, 2019

বরাক তুরেলগী মথক্তা নৌনা শাবা বরাক থোং হৌনবী মতুং ইন্না মীয়ামদা খুৎশিন্নখ্রে।

Newly inaugurated Barak Bridge at Silchar
রোংপুর রোমদগী লৌবা বরাক থোংগী ফোতো ঃ কর্টসি ঃ দিটুএস ইনফ্রাস্ট্রাকচার পঃলিঃ
আসামগী মুখ্যমন্ত্রী সর্বানন্দ সোনোৱালনা বরাক তুরেলগী মথক্তা শাবা আরসিসি ব্রিজ নম্বর ১/১ বরাক থোং মার্চ তাং ২ থাংজা নুমিত্তা হৌনবী মতুং ইন্না মীয়ামদা খুৎশিন্নখ্রে। এনএলসিপিআরগী মখাদা শিলচর-কুম্ভিরগ্রাম লম্বীগী হান্নগী শিলচর সরদঘাট থোংগা হেক থংননা নেসনেল হাইৱে-৩৭ লম্বীগা ফাওনরিবা থোং অসি অয়ুক্কী পুং রোম তাবা মতমদা মুখ্যমন্ত্রীনা রিবোন কক্তুনা ইনাগুরেত তৌখি। থোং অসিনা হান্নগী ফিভম ফত্রবা সদরঘাট থোংগী মহুৎ শিনগদৌরিবনি।  থৌরমদা ঙায়োকলোইশঙ, এক্সাইস অমসুং উমংলোইশঙ মন্ত্রী পরীমল সুক্লবৈদ্য; শিলচরগী এমপি শ্রীমতি সুস্মি
তা দেব; শিলচরগী এমএলএ শ্রী দিলিপ কুমার পাল; উধারবন্দগী এমএলএ মীহির কান্তি সোম; কাটিগোরাগী এমএলএ শ্রী অমর চাঁদ জৈন; সোনাইগী এমএলএ আমিনুল হোক লস্কর; লখিপুরগী এমএলএ শ্রী রাজদীপ গোৱালা; কাছার জিলাগী দিসি লয়া মাদুরী নচিংবা অখন্নবা মীওই কয়ানা থৌরমদা শরুক য়াখি। মতুংদা মুখ্যমন্ত্রীনা শিলচর দিস্ট্রিক্ট লাইব্রেরীগী অনৌবা ওদিটোরিয়াম, পুলিস গ্রাউন্দা স্পোর্টস্ স্টেদিয়াম, আসাম ইউনিভার্সিটিদা স্বামী বীবেকানন্দগী মীংদা বরাক তম্পাক্কী ওইনা কলচারেল রিসার্স সেন্টর, ইটখোলা ঘাটতা দুধপাতিল শিলচর ফাওনগদবা থোং অমগী লোয়ননা মতম কুইনদগী মীয়ামনা খৌরাংনা ঙাইরক্লবা মিনি সেক্রেটারিয়েত অমগীসু যাত্রা হুনবিখি। কাইনথংদা মুখ্যমন্ত্রী শ্রী সোনোৱাল সিলচর পুলিস পেরেদ গ্রাউন্দা পাঙথোকপা মীয়ামগী ওইবা মীফম অমদা শরুক য়াখি।

পাউশিং অসিগা লোয়ননা অতৈ পাউগী দমক গুগল্ প্লে স্টোরদগী ইন্সটোল তৌবিউ Lakhipuronline android app