Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   # শিলচরদা বরাক লাইরিক মেলা নভেম্বরগী ১৫দগী হৌরগনি। # নভেম্বর ২৩ দগী ইম্ফাল অমসুং মন্দলেগী মরক্তা এরোপ্লেন পাইবা হৌরগনি। #

January 29, 2019

ওনলাইনদা NRC দা মীং চুমথোকপগী মতম শাংদোকহনখ্রে।


ওনলাইনদা NRC দা মীং নচিংবা অরানবা চুমথোকপগী মতম চহি অসিগী ফেব্রুৱারীগী তাং ২৮ ফাওবা শাংদোকহনখ্রে। NRC Assam গী ফেসবুক পেজতগী ফংবা পাউ মতুং ইন্না মমাং থাবদা চহি অসিগী জনুৱারীগী তাং ৩১ ফাওবদা মীং নচিংবা চুমথোকপগী মতম পীরম্বনি। অদুবু মীয়ামগী খুদোংচাদবা কয়াগী য়েংলদুনা ওনলাইনদা অরানবা চুমথোকপগী মতম ফেব্রুৱারীগী তাং ২৮, ২০১৯  ফাওবা য়ৈথোকখিবনি। অদুম ওইনমক ওফলাইনদা চুমথোকপগী চে পীশিনখ্রবা মীওইশিংনা অমুক হন্না ওনলাইনদা সাবমিট তৌদ্রবসু য়াগনি হায়রি। হৌজিকফাওবদা ওনলাইনদা চুমথোকত্রিবশিংনা https://www.draftcorrect.in/OnlineDraftCorrection/index.htm লিঙ্ক অসিদা চংদুনা মীং নচিংবা চুমথোকপা য়াগনি। অদুবু চুমথোকপা মতমদা মমাং থাবদা NRC চে চাং পীশিনখিবা মতমদা ওইখিবা মীং লৈফম ফোতো নচিংবা অদুগা খেন্ননা লাকপা অদুতমক চুমথোক্কদবনি হায়রি।